https://sputnik-abkhazia.info/20220501/asua-zhlar-rei-lasha-nestor-lakba-dyrgaladyrsheit-gdoua-1038916044.html
Аԥсуа жәлар рҵеи лаша Нестор Лакоба дыргәаладыршәеит Гәдоуҭа
Аԥсуа жәлар рҵеи лаша Нестор Лакоба дыргәаладыршәеит Гәдоуҭа
Sputnik Аҧсны
Аԥсны иналукааша аҳәынҭқарратәи аполитикатәи аусзуҩы, ареволиуционер Нестор Лакоба диит лаҵара 1 1893 шықәсазы, Гәдоуҭа араион Лыхны ақыҭан. 01.05.2022, Sputnik Аҧсны
2022-05-01T14:55+0300
2022-05-01T14:55+0300
2022-05-02T00:36+0300
аԥсны
ажәабжьқәа
https://cdnn1.img.sputnik-abkhazia.info/img/07e6/05/01/1038914718_0:120:1280:840_1920x0_80_0_0_f3ea438a6c83bda180778f7ac0a9702b.jpg
Гәдоуҭа, лаҵара 1 - Sputnik, Бадри Есиава. Аԥсны еицырдыруа аҳәынҭқарратәи аполитикатәи усзуҩы, аԥсуа жәлар рҵеи лаша Нестор Лакоба игәалашәара аҳаҭыр азы, Гәдоуҭа ибаҟа амҵан ашәҭ шьыҵәрақәа шьҭарҵеит. Анаҩс имҩаԥган амитинг ҳәа ааицҳауеит Sputnik акорреспондент.Аусмҩаԥгатә иалахәын араион ахадара, араионтә еизара адепутатцәа, аҳәынҭқарратә усбарҭақәа рхаҭарнакцәа, ауаажәларратә усзуҩцәа, ашколхәыҷқәа.Амитинг рхы аладырхәит афонҿыцтәи ахәыҷбаҳча аҟынтәи ахәыҷқәа. Амилаҭҭә шәҵатәыла еилаҳәаз ахәыҷқәа Нестор Лакоба ибаҟа амҵан ашәҭқәа шьҭарҵеит, анаҩс инарыгӡеит Аԥсны агимн ашәа, ирыԥхьеит жәеинраалақәеи аполитик иҭоурых аҟынтәи ацыԥҵәахақәеи.Нестор Лакоба ихьӡ зху Гәдоуҭатәи актәи абжьаратә школ аҵаҩцәа рықәгылараҿы иазгәарҭеит, аԥсуа ҳәынҭқарра ашьақәгылараҿы Лакоба иааникылоз аҭыԥ, иара убас ирыԥхьеит аԥсуа револиуционер изкны ҳшәҟәыҩҩцәа иаԥырҵахьоу ажәеинраалақәа.Гдоуҭатәи абыргцәа рхеилак аиҳабы Сергеи Чаквитаӡе Sputnik акорреспондент даниацәажәоз иҳәеит, аԥсуа жәлар ҳзын ишнасыԥ дууз Нестор Лакоба иеиԥш иҟаз аполитик дахьҳамаз.Чаквитаӡе иазгәеиҭеит Нестор иҭархара аԥсуа жәлар зегь рзы ишхлымӡааххыз. Иара агәра ганы дыҟоуп, Лакоба даҽа шәабаҟа шықәса иԥсы ҭаны дыҟазҭгьы, Аԥсны аҭоурых даҽакала аҿиара шаиуоз.Иара убасгьы иҳәеит, Нестор Лакоба анышә дахьамадоу иахьа уажәраанӡагь ишырзымдыруа. Чакветаӡе иазгәеиҭеит уи аганахь ала гәҩарақәак шрымоу, аха макьана ишышьақәырӷәӷәам.Нестор Лакоба Аԥсны аҭоурых аҟны даанхоит иналукааша аҳәынҭқарратәи, аполитикатәи, ауаажәларратә усзуҩын. 1921 шықәса рзы, Аԥсны Асовет мчра анышьақәгыла, Нестор Лакоба активла аԥсҭазаара ҿыц аҽалархәра нап аиркит. Уи еснагь аҭакзыԥхықәу аусбарҭақәа рҟны аиҳабыратә маҵзурақәа ныҟәигон.Жәабран 17, 1922 рзы Лакоба далырхуеит Аԥсны Жәлар Ркомиссарцәа Рхеилак ахантәаҩыс. Ԥхынҷкәын 28, 1936 шықәсазы Лавренти Бериа Нестор Лакоба Қарҭҟа ааԥхьара иҭаны, иҩны днаганы ашҳам иҭан дишьит. Мызқәак рнаҩс "ажәлар раӷа" ҳәа рылеиҳәеит.Иосиф Сталин данԥсы ашьҭахь ихьӡ риашан, 1959 шықәсазы Аҟәа иқәдыргылеит ибаҟа. Иахьа уажәраанӡагь еилкааӡам анышә дахьамадоу аҭыԥ.
https://sputnik-abkhazia.info/20220501/zhlar-rybziaba-nestor-lakoba-diizhei-129-shysa-it-1038914819.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аԥсуа жәлар рҵеи лаша Нестор Лакоба дыргәаладыршәеит Гәдоуҭа
14:55 01.05.2022 (ирҿыцуп: 00:36 02.05.2022) Аԥсны иналукааша аҳәынҭқарратәи аполитикатәи аусзуҩы, ареволиуционер Нестор Лакоба диит лаҵара 1 1893 шықәсазы, Гәдоуҭа араион Лыхны ақыҭан.
Гәдоуҭа, лаҵара 1 - Sputnik, Бадри Есиава. Аԥсны еицырдыруа аҳәынҭқарратәи аполитикатәи усзуҩы, аԥсуа жәлар рҵеи лаша Нестор Лакоба игәалашәара аҳаҭыр азы, Гәдоуҭа ибаҟа амҵан ашәҭ шьыҵәрақәа шьҭарҵеит. Анаҩс имҩаԥган амитинг ҳәа ааицҳауеит Sputnik акорреспондент.
Аусмҩаԥгатә иалахәын араион ахадара, араионтә еизара адепутатцәа, аҳәынҭқарратә усбарҭақәа рхаҭарнакцәа, ауаажәларратә усзуҩцәа, ашколхәыҷқәа.
Амитинг рхы аладырхәит афонҿыцтәи ахәыҷбаҳча аҟынтәи ахәыҷқәа. Амилаҭҭә шәҵатәыла еилаҳәаз ахәыҷқәа Нестор Лакоба ибаҟа амҵан ашәҭқәа шьҭарҵеит, анаҩс инарыгӡеит Аԥсны агимн ашәа, ирыԥхьеит жәеинраалақәеи аполитик иҭоурых аҟынтәи ацыԥҵәахақәеи.
Нестор Лакоба ихьӡ зху Гәдоуҭатәи актәи абжьаратә школ аҵаҩцәа рықәгылараҿы иазгәарҭеит, аԥсуа ҳәынҭқарра ашьақәгылараҿы Лакоба иааникылоз аҭыԥ, иара убас ирыԥхьеит аԥсуа револиуционер изкны ҳшәҟәыҩҩцәа иаԥырҵахьоу ажәеинраалақәа.
Гдоуҭатәи абыргцәа рхеилак аиҳабы Сергеи Чаквитаӡе Sputnik акорреспондент даниацәажәоз иҳәеит, аԥсуа жәлар ҳзын ишнасыԥ дууз Нестор Лакоба иеиԥш иҟаз аполитик дахьҳамаз.
"Усҟантәи аамҭазы иара иҩыза аԥхьагылаҩ дахьҳамаз, жәаҳәарада ҳажәлар рзы ихәарҭа дуун. Иара аамҭа кьаҿк иалагӡаны ажәлар рзын илшаз рацәоуп. Аҭоурых аҟны, ашәҟәқәа агазеҭқәа рыҟны иара инысмҩа ахьану рацәоуп, иагьшьақәырӷәӷәоуп Бериа иҩны ашҳам иҭаны дышшьыз", - иҳәеит Чаквитаӡе.
Чаквитаӡе иазгәеиҭеит Нестор иҭархара аԥсуа жәлар зегь рзы ишхлымӡааххыз. Иара агәра ганы дыҟоуп, Лакоба даҽа шәабаҟа шықәса иԥсы ҭаны дыҟазҭгьы, Аԥсны аҭоурых даҽакала аҿиара шаиуоз.
Иара убасгьы иҳәеит, Нестор Лакоба анышә дахьамадоу иахьа уажәраанӡагь ишырзымдыруа. Чакветаӡе иазгәеиҭеит уи аганахь ала гәҩарақәак шрымоу, аха макьана ишышьақәырӷәӷәам.
Нестор Лакоба Аԥсны аҭоурых аҟны даанхоит иналукааша аҳәынҭқарратәи, аполитикатәи, ауаажәларратә усзуҩын. 1921 шықәса рзы, Аԥсны Асовет мчра анышьақәгыла, Нестор Лакоба активла аԥсҭазаара ҿыц аҽалархәра нап аиркит. Уи еснагь аҭакзыԥхықәу аусбарҭақәа рҟны аиҳабыратә маҵзурақәа ныҟәигон.
Жәабран 17, 1922 рзы Лакоба далырхуеит Аԥсны Жәлар Ркомиссарцәа Рхеилак ахантәаҩыс. Ԥхынҷкәын 28, 1936 шықәсазы Лавренти Бериа Нестор Лакоба Қарҭҟа ааԥхьара иҭаны, иҩны днаганы ашҳам иҭан дишьит. Мызқәак рнаҩс "ажәлар раӷа" ҳәа рылеиҳәеит.
Иосиф Сталин данԥсы ашьҭахь ихьӡ риашан, 1959 шықәсазы Аҟәа иқәдыргылеит ибаҟа. Иахьа уажәраанӡагь еилкааӡам анышә дахьамадоу аҭыԥ.
