Микрофон  - Sputnik Аҧсны, 1920
Арадио

Џьопуа еиҭеиҳәеит ашьхыцқәа рыҭра иҭыԥараан рцара зызку аҭҵаара ишаҿу

Џьопуа еиҭеиҳәеит, ашьхыцқәа рыҭра иҭыԥараан рцара апроблема аҭҵаара ишаҿу
Анапаҵаҩра
Ашьхааӡаҩцәа агәҭынчымра рызцәырнагоит рышьхақәа. Нхамҩақәак рҿы аҭагылазаашьа даара иуадаҩуп. Аԥсны аветеринар хада Роман Џьопуа арадио Sputnik иазеиҭеиҳәеит аҭагылазаашьа зеиԥшроу, насгьы ашьхақәа рыҭра рҭыҵра зыхҟьаз ҳәа гәаанагарас ирымоу атәы.
Ашьхыцқәа ашьхымзақәа ирҭыҵны ицеит, ианцазгьы цқьа ирыздырӡом, ашьхааӡаҩцәа гәҩарас ирымоуп аӡын ҟалаанӡа ҳәа азгәеиҭеит Џьопуа арадиоефир аҿы. Уажәы ианхдыртлалак иҭацәны ирбоит ашьхымзаҭрақәа. Ас иахьыҟоу иҭацәыз ашьхымзаҭрақәа даара ирацәоуп, еиҳарак мрагыларатәи араионқәа рахьынтә ауп адырра шҳауа иҳәеит аветеринар хада.
"Агәаҭарақәа макьана имҩаԥгам. Азҵаара аҭҵаара ҳаҿуп. Ҳгәы иҭоуп урыстәылатәи ҳколлегацәа рахь аматериал ашьҭра, амзыз аилкааразы. Анализқәа Краснодар иҳашьҭыр ҳҭахуп, уажәазы иааҩит ашәҟәы Москва иҟоу аветеринартә маҵзурахь, азин ҳарҭарц аматериал аҳәаа ахыгаразы. Ҳгәы иҭоуп иара убас аспециалистцәа адыԥхьаланы аҭагылазаашьа ацклаԥшра", - ҳәа еиҭеиҳәеит Џьопуа.
Аԥсны аветеринар хада иҳәеит, ахҭыс зыхҟьаз ҳәа гәҩарас ирымоу атәы.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0