Урыстәыла аладатәи ахәҭахьы аԥыррақәа рыԥкра иацырҵеит лаҵара 13 рҟынӡа
© Sputnik / Нина Зотина
/ Анапаҵаҩра
Урыстәылатәи аҳаиртә еилахәырақәа ирабжьгоуп апассаџьырцәа рымҩаԥгаразы даҽа цагамҩақәак.
АҞӘА, лаҵара 5 - Sputnik. Урыстәыла аладатәии агәҭантәии ахәҭақәа рҳаиртә баӷәазақәа рҟны иалагалоу аамҭалатәи аԥкрақәа ирыцҵоуп лаҵарамза 13 рҟынӡа, абри атәы аанацҳауеит Росавиациа.
Урыстәылатәи аҳаирбаӷәазақәа 11 рҟны ҩаԥхьа рыҿҳәара иацырҵеит лаҵара 13 рҟынӡа. Зыԥырра ԥку аҳаирбаӷәазақәа ирыҵаркуеит Анапа, Белгород, Брианск, Воронеж, Геленџьықь, Краснодар, Курск, Липецк, Ростов-на-Дону, Симферополь, Елиста.
Аусбарҭа иазгәанаҭоит апассаџьырцәа рымҩаԥгаразы аԥырратә еилахәырақәа ишрабжьгоу даҽа хырхарҭамҩак Шәача, Волгоград, Аминералтә ӡқәа, Ставрополь, Москва рхы иадырхәаларц.
Урыстәыла егьырҭ аҳаирбаӷәазақәа рҟны абжьааԥны аус шыруц ирулоит.
Росавиациа аԥкрақәа аланагалеит жәабран 24 инаркны, Украина аоперациа ҷыда ианалага ашьҭахь.
