https://sputnik-abkhazia.info/20220509/sra-zym-arkha-amiting-akontsert-gagra-araion-any-aiaaira-du-amsh-azgareit-1039027938.html
"Ԥсра зқәым архәҭа", амитинг, аконцерт": Гагра араион аҟны Аиааира Ду амш азгәарҭеит
"Ԥсра зқәым архәҭа", амитинг, аконцерт": Гагра араион аҟны Аиааира Ду амш азгәарҭеит
Sputnik Аҧсны
Иахьа шьыжьы аахыс ақәа шауазгьы, Гаграа Аиааира Ду амш иазкны иазԥхьагәаҭаз аусмҩаԥгатәқәа рхы рыладырхәит. Шәҩыла ауаа абаҟақәа рахь инеит. 09.05.2022, Sputnik Аҧсны
2022-05-09T16:04+0300
2022-05-09T16:04+0300
2022-05-09T16:04+0300
аԥсны
ажәабжьқәа
https://cdnn1.img.sputnik-abkhazia.info/img/07e6/05/09/1039027760_0:0:1920:1080_1920x0_80_0_0_3c92237fe501825d23958e241c2d97c4.jpg
Иахьа шьыжьы аахыс ақәа шауазгьы, Гаграа Аиааира Ду амш иазкны иазԥхьагәаҭаз аусмҩаԥгатәқәа рхы рыладырхәит. Шәҩыла ауаа абаҟақәа рахь инеит.Аиааира Ду амш ныҳәа иазкыз аусмҩаԥгатәқәа хацаркхеит Гагра араион Ахадара аиҳабы ихаҭыԥуаҩ Адамур Ҵышәба аибашьра Ду аветеран Алексеи Иагупа ииҭаз иҿымцәаауа амца Идырым асолдаҭ ибаҟа амҵан аркра ала.Ацәаҳәа иқәгыланы, Гагра ақалақьтә школхәыҷқәа Аџьынџьтәылатәи аибашьра Ду аҟны иҭахази иалахәызи аветеранцәа рфотосахьақәа рыманы амҩаду ианысит. Аҵыхәтәантәи раанҿасырҭа Идырым асолдаҭ ибаҟа акәын. Уантәи дара араион анапхгареи, адепутатцәеи, Гагра араион иаҵанакуа ақалақь Пицундеи, ақыҭақәеи рхадацәеи, анаплакқәа аусбарҭақәа рхаҭарнакцәеи, ауаажәларреи, араион иаҭааз асасцәеи рцәаҳәа иахәҭакны ашәҭ шьыҵәрақәа шьҭарҵеит Идырым асолдаҭ ибаҟеи уи иавагылоу Асовет Еидгыла Афырхаҵа Ражден Барцыц ибиусти рҿаԥхьа.Араҟа иазԥхьагәаҭаз амитинги аконцерттә программеи рымҩаԥгара ақәаршыҩ иалнамыршеит. Аха зегь акоуп еизаз ажәлар Гагра араион Ахадара аиҳабы ихаҭыԥуаҩ Адамур Ҵышәбеи, араионтә Еизара ахантәаҩы Асҭан Агрбеи, Гагра араион арратә комиссар ицхырааҩ Руслан Барцыци иахьатәи аныҳәа ду рыдырныҳәалеит."Ҳаҭыр зқәу аветеранцәа, ҳаҭыр зқәу Гаграа! Гәык-ԥсыкала ишәыдысныҳәалоит Аиааира Ду 77 шықәса ахыҵра. Асовет жәлар реидгылара, раӡәкра иалҵшәахеит ари ашьа зхьыршу, аха ҵҩа змам агәырӷьара зцу амш. Ҳарҭ иаҳуалуп иҳашьҭанеиуа абиԥарагьы ҳҭоурых иаларсу Аиааира Ду амш аҵакы рызнагара. Хашҭра рықәым аибашьра зыԥсы ахҭнызҵаз афырхацәа. Хашҭра рықәым аибашьра ашьҭахь зыдунеи зыԥсахыз аветеранцәа. Шықәсы рацәала иҳагымзааит иахьа зыԥсы ҭаны иҳалагылоу ҳбыргцәа хьӡырҳәагақәа", - иҳәеит иқәгылараҿы Адамыр Ҵышәба.Ашәҭшьҭаҵара ашьҭахь еизаз алшара рыман адәахьтәи акҿаҩраҿы ақашьи арратә шә-гарммки ргьама абара.Аконцерттә программа ииаган акультура аҩны ахыбрахь.Ԥсра зқәым аполки, ашәҭшьҭаҵареи, амитинги мҩаԥган Бзыԥҭагьы. Аҳабла ахада Едгар Кьетиа аныҳәахь иааԥхьаз, Бзыԥҭа зыԥсы ҭаны инхаз шәышықәса ирҭагылоу Аџьынџьтәылатәи аибашьра Ду аветеран, Кавказ ахьчара иалахәыз Аикарам Тигран-иԥа Манукиан лымкаала дидныҳәалеит. Изеиӷьаишьеит агәабзиара цқьеи ақәранҵыреи.Аикарам Манукиан аррахь иԥхьеит Ермантәылантәи. 1942 шықәсазы иара диаргоит Аԥсныҟа, хықәкыла Аҟәаҟа. 91-тәи абригада, 40-тәи хазы иҟаз абаталион аҟны ирратә уалԥшьақәа наигӡон.Аикарам Манукиан Гагра араион ахадареи, Бзыԥҭа аҳабла анапхгарери рыхьӡала аԥаратә ҳамҭа иҭан.Аџьынџьтәылатәи аибашьра Ду Бзыԥҭантәи иалахәын 350-ҩык, урҭ рахьтә 127-ҩык ҭахеит. Дыхьӡырҳәаганы наунагӡа ҳҭоурых адаҟьақәа рҟны дынхоит Бзыԥаа рҵеи Асовет Еидгыла Афырхаҵа ҳәа ахьӡ ҳаракы зыхҵаз Иасон Басиаҭ-иԥа Кәакәасқьыр.Зынӡа Гагра араион аҟынтәи афронт ахь ицеит 11 677-ҩык, 2 252-ҩык ишьаарҵәыраз аидысларақәа рҟны фырхаҵарыла иҭахеит. Асовет Еидгыла Афырхаҵа ҳәа ахьӡ ҳаракы Гагра араион аҟынтәи иаԥсахеит Ражден Барцыц, Иасон Кәакәасқьыр, Арутиун Мелетиан, Мигран Бостанџьиан, Витали Попков иакәзар ҩынтә ари ахьӡ ҳаракы ихҵан.Иахьазы ҳраион аҟны зыԥсы ҭаны инхаз ааҩык аветеранцәа роуп.Гагра араион иқәынхоз аҭынчуаа рлагала ӷәӷәоуп ари аибашьраҟны. Амшынеиқәатә ԥшаҳәаҟны дара ахырӷәӷәарҭатә ҭыԥқәа рыргылара иалахәын. Афронт азы еизыргон афатә, амаҭәа. Арратә ӷбақәеи, аҳаирпланқәеи, атанкқәеи реибыҭаразы еизыргон аԥара. Гагратәи агоспитальқәа рҿы 200 нызқьҩык Асовет солдатцәа ршьапы иқәыргылан.
Sputnik Аҧсны
media@sputniknews.com
+74956456601
MIA „Rosiya Segodnya“
2022
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
ажәабжьқәа
Иахьа шьыжьы аахыс ақәа шауазгьы, Гаграа Аиааира Ду амш иазкны иазԥхьагәаҭаз аусмҩаԥгатәқәа рхы рыладырхәит. Шәҩыла ауаа абаҟақәа рахь инеит.
Аиааира Ду амш ныҳәа иазкыз аусмҩаԥгатәқәа хацаркхеит Гагра араион Ахадара аиҳабы ихаҭыԥуаҩ Адамур Ҵышәба аибашьра Ду аветеран Алексеи Иагупа ииҭаз иҿымцәаауа амца Идырым асолдаҭ ибаҟа амҵан аркра ала.
Ацәаҳәа иқәгыланы, Гагра ақалақьтә школхәыҷқәа Аџьынџьтәылатәи аибашьра Ду аҟны иҭахази иалахәызи аветеранцәа рфотосахьақәа рыманы амҩаду ианысит. Аҵыхәтәантәи раанҿасырҭа Идырым асолдаҭ ибаҟа акәын. Уантәи дара араион анапхгареи, адепутатцәеи, Гагра араион иаҵанакуа ақалақь Пицундеи, ақыҭақәеи рхадацәеи, анаплакқәа аусбарҭақәа рхаҭарнакцәеи, ауаажәларреи, араион иаҭааз асасцәеи рцәаҳәа иахәҭакны ашәҭ шьыҵәрақәа шьҭарҵеит Идырым асолдаҭ ибаҟеи уи иавагылоу Асовет Еидгыла Афырхаҵа Ражден Барцыц ибиусти рҿаԥхьа.
Араҟа иазԥхьагәаҭаз амитинги аконцерттә программеи рымҩаԥгара ақәаршыҩ иалнамыршеит. Аха зегь акоуп еизаз ажәлар Гагра араион Ахадара аиҳабы ихаҭыԥуаҩ Адамур Ҵышәбеи, араионтә Еизара ахантәаҩы Асҭан Агрбеи, Гагра араион арратә комиссар ицхырааҩ Руслан Барцыци иахьатәи аныҳәа ду рыдырныҳәалеит.
"Ҳаҭыр зқәу аветеранцәа, ҳаҭыр зқәу Гаграа! Гәык-ԥсыкала ишәыдысныҳәалоит Аиааира Ду 77 шықәса ахыҵра. Асовет жәлар реидгылара, раӡәкра иалҵшәахеит ари ашьа зхьыршу, аха ҵҩа змам агәырӷьара зцу амш. Ҳарҭ иаҳуалуп иҳашьҭанеиуа абиԥарагьы ҳҭоурых иаларсу Аиааира Ду амш аҵакы рызнагара. Хашҭра рықәым аибашьра зыԥсы ахҭнызҵаз афырхацәа. Хашҭра рықәым аибашьра ашьҭахь зыдунеи зыԥсахыз аветеранцәа. Шықәсы рацәала иҳагымзааит иахьа зыԥсы ҭаны иҳалагылоу ҳбыргцәа хьӡырҳәагақәа", - иҳәеит иқәгылараҿы Адамыр Ҵышәба.
Ашәҭшьҭаҵара ашьҭахь еизаз алшара рыман адәахьтәи акҿаҩраҿы ақашьи арратә шә-гарммки ргьама абара.
Аконцерттә программа ииаган акультура аҩны ахыбрахь.
Ԥсра зқәым аполки, ашәҭшьҭаҵареи, амитинги мҩаԥган Бзыԥҭагьы. Аҳабла ахада Едгар Кьетиа аныҳәахь иааԥхьаз, Бзыԥҭа зыԥсы ҭаны инхаз шәышықәса ирҭагылоу Аџьынџьтәылатәи аибашьра Ду аветеран, Кавказ ахьчара иалахәыз Аикарам Тигран-иԥа Манукиан лымкаала дидныҳәалеит. Изеиӷьаишьеит агәабзиара цқьеи ақәранҵыреи.
Аикарам Манукиан аррахь иԥхьеит Ермантәылантәи. 1942 шықәсазы иара диаргоит Аԥсныҟа, хықәкыла Аҟәаҟа. 91-тәи абригада, 40-тәи хазы иҟаз абаталион аҟны ирратә уалԥшьақәа наигӡон.
"Ҳарҭ атыл иацхраауазгьы имаҷымкәа ауадаҩрақәа ҳхаҳгеит. Амлеи, ахьҭеи, ачымазареи, аԥсҭбареи ҳариааны афронт ацхыраара аҳҭон. Клухортәи акаҵәарантә аҽқәа рыла аџьаԥҳаны рзаҳгон аӷа иҿагылаз ҳаибашьцәа", - ҳәа азгәаиҭоит аветеран.
Аикарам Манукиан Гагра араион ахадареи, Бзыԥҭа аҳабла анапхгарери рыхьӡала аԥаратә ҳамҭа иҭан.
Аџьынџьтәылатәи аибашьра Ду Бзыԥҭантәи иалахәын 350-ҩык, урҭ рахьтә 127-ҩык ҭахеит. Дыхьӡырҳәаганы наунагӡа ҳҭоурых адаҟьақәа рҟны дынхоит Бзыԥаа рҵеи Асовет Еидгыла Афырхаҵа ҳәа ахьӡ ҳаракы зыхҵаз Иасон Басиаҭ-иԥа Кәакәасқьыр.
Зынӡа Гагра араион аҟынтәи афронт ахь ицеит 11 677-ҩык, 2 252-ҩык ишьаарҵәыраз аидысларақәа рҟны фырхаҵарыла иҭахеит. Асовет Еидгыла Афырхаҵа ҳәа ахьӡ ҳаракы Гагра араион аҟынтәи иаԥсахеит Ражден Барцыц, Иасон Кәакәасқьыр, Арутиун Мелетиан, Мигран Бостанџьиан, Витали Попков иакәзар ҩынтә ари ахьӡ ҳаракы ихҵан.
Иахьазы ҳраион аҟны зыԥсы ҭаны инхаз ааҩык аветеранцәа роуп.
Гагра араион иқәынхоз аҭынчуаа рлагала ӷәӷәоуп ари аибашьраҟны. Амшынеиқәатә ԥшаҳәаҟны дара ахырӷәӷәарҭатә ҭыԥқәа рыргылара иалахәын. Афронт азы еизыргон афатә, амаҭәа. Арратә ӷбақәеи, аҳаирпланқәеи, атанкқәеи реибыҭаразы еизыргон аԥара. Гагратәи агоспитальқәа рҿы 200 нызқьҩык Асовет солдатцәа ршьапы иқәыргылан.
