Белоруссиа аҭакҟаҵаратә мчрақәа ргәаҭарақәа аҩбатәи ахәҭа мҩаԥыргоит

© Foto / Пресс-служба Минобороны РФ / Афотобанк ахь аиасраСовместные учения России и Белоруссии "Союзная решимость-2022"
Совместные учения России и Белоруссии Союзная решимость-2022 - Sputnik Аҧсны, 1920, 10.05.2022
Анапаҵаҩра
Yandex newsTelegram
Белоруссиа Арбџьармчқәа рҿы аҭакҟаҵаратә мчрақәа иаалырҟьан ргәаҭарақәа мҩаԥыргеит ҳәа лаҵара 4 азы адырра ҟанаҵеит ареспублика Атәылахьчара аминистрра.
АҞӘА, лаҵара 10 – Sputnik. Белоруссиа аҭакҟаҵаратә мчрақәа ргәаҭарақәа аҩбатәи ахәҭа мҩаԥыргоит ҳәа аанацҳауеит РИА Новости белоруссиатәи АИХқәа шьаҭас иҟаҵаны.
Белоруссиа Атәылахьчара аминистр Виктор Хренин ишазгәеиҭаз ала, агәаҭарақәа хықәкыс ирымоуп лаҵара 1 азы излагаз НАТО аҽазыҟаҵарақәа раан, арратә еилазаара ахьынӡахиоу аилкаареи урҭ рылшарақәа ахәшьара рыҭареи.
Аминистр иҳәеит белоруссиатәи аган шахылаԥшуа аҽазыҟаҵарақәа ахьымҩаԥысуа иарбан баталионқәоу иалахәу, иарбан хысырҭаҭыԥқәоу ахархәара зҭоу, иарбан усдҵақәоу аус здыруыло.

"Иарбан шәарҭароу иҟалар зылшо еилкаауа, ҳара арҭ ахырхарҭақәа рҿы ҳар ҳаргылоит",- иҳәеит аминистрра ахада.

Белоруссиа Арбџьармчқәа рҿы аҭакҟаҵаратә мчрақәа иаалырҟьан ргәаҭарақәа шымҩаԥырго азы адырра ҟарҵеит лаҵара 4 азы. Аҽазыҟаҵараан арратә хәҭақәеи аҟәшақәеи рыхиара, иарбоу араионқәа рахь амаршқәа рымҩаԥгара, аҵара-ҽазыҟаҵаратә усқәа рынагӡара рызҵаарақәа аус адырулоит. Агәаҭара хықәкыс иамоуп иҟалар зылшо акризистә ҭагылазаашьақәа раан арратә еилазаара ахьынӡахиоу аилкаареи урҭ рылшарақәа ахәшьара рыҭареи.
Ажәабжьқәа зегьы
0