Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Харитон Агрба Москва имҩаԥысуа абокс ахәылԥаз аҿы ихадоу хаҿхоит

© Foto / Facebook/Харитон АгрбаХаритон Агрба
Харитон Агрба - Sputnik Аҧсны, 1920, 18.05.2022
Анапаҵаҩра
Абоксиор Харитон Агрба - жәларбжьаратәи акласс аспорт азҟаза, 2019 шықәса раахыс апрофессионалтә ринг аҿы даҵамхац.
АҞӘА, лаҵара 18 - Sputnik. Харитон Агрба Москва, абокс ахәылԥаз аан аиндаҭлара хадаҿы дықәгылоит. Абир атәы аанацҳауеит аспорт азы Аҳәынҭеилакы.
Аԥсуа боксиор ашоу "Лига Ставок. Вечер профессионального бокса" аҟны дықәгылоит лаҵара 31 рзы. Агрба диндаҭлоит Авак Узлиан. Абоксиорцәа 10-раундк иҟоу ақәгылара мҩаԥыргоит.
Ақәгыларақәа мҩаԥысуеит УСК "Крылья Советов" аҿы, апромоутертә еилахәыра Dynamo Boxing Promotions еиҿнакааз ашоу аҿы реиҳа реиҳа изызҿлымҳахо хҭысхоит ҳәа аҳәоит адырраҭараҿы.
Аԥсуа спортсмен иқәгылара ишиашоу ицо "Матч ТВ", "Матч! Боец" рефирқәа рҿы асааҭ 20.00 рзы идырбахоит.
Харитон Агрба – жәларбжьаратәи акласс аспорт азҟаза, атитулқәа WBA-Fedecaribe, WBA Continetal, IBF European имоуп, 2019 шықәса раахыс апрофессионалтә ринг аҿы дықәгылоит: аа-қәгыларак иааирала имҩаԥигахьеит, урҭ рҟынтәи хәба рҿы нокаутла даиааиит. Сынтәа Колумбиатәи аспортсмен Браиам Рико заанаҵы дииааит ашоу "Лига Ставок. Вечер бокса" аҿы.
 Харитон Агрба - Sputnik Аҧсны, 1920, 23.02.2022
Аԥсны
Харитон Агрба колумбиатәи аспортсмен дииааит Москва абокс ахәылԥаз аҟны
Ажәабжьқәа зегьы
0