Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Шоигу "Азовсталь" ахы ишақәиҭыртәыз иҳәеит

© Foto / Министерство обороны РФ / Афотобанк ахь аиасраСдача в плен украинских боевиков с территории "Азовстали"
Сдача в плен украинских боевиков с территории Азовстали - Sputnik Аҧсны, 1920, 21.05.2022
Анапаҵаҩра
Yandex newsTelegram
Мызкы иназынаԥшуа аметаллургиатә зауад "Азовсталь" аҵакыраҿы амацәаз иҭакын украинатәи амилаҭеилыхҩцәеи атәым ҳәынҭқаррақәа рҟынтәи қьырала еибашьуази.
АҞӘА, лаҵара 21 - Sputnik. Урыстәыла Атәылахьчара аминистр Сергеи Шоигу Урыстәыла Арбџьармчқәа Рыдҵаҟаҵаҩ хада Владимир Путин иеиҳәеит Мариуполь "Азовсталь" украинатәи амилаҭеилыхратә батальон "Азов" аибашьцәа рҟынтәи ахы ишақәиҭыртәыз. Абри атәы аанацҳауеит Атәылахьчара аминистрра.
Лаҵара 20 рзы рабџьар шьҭарҵеит 531-ҩык иаанхан иҟаз амилаҭеилыхыҩцәа ргәыԥ.

"Адгьылаҵантәи аргыларақәа рҿы зҽызҵәахыз аибашьцәа урыстәылатәи арбџьармчқәа рнапаҵаҟа иаагоуп. Лаҵара 16 раахыс абџьар шьҭаҵаны зхы рызҭаз украинатәи аррамаҵуцәеи амилаҭеилыхцәа "Азов" аибашьцәеи 2439-ҩык ыҟоуп", - ҳәа аҳәоит аҳәамҭаҟны.

Хәажәкыра 7 рзы урыстәылатәи аруааи ДЖәР амчрақәеи Мариуполь амацәаз иҭаркит. Мшаԥы 21 рзы ақалақь ахы иақәиҭыртәит, убри аан ҩ-нызқьҩык инареиҳаны амилаҭеилыхыҩцәеи украинатәи аполк "Азов" аҟынтәи аруааи азауад "Азовсталь" аҿы рҽырҵәахит.
Урыстәыла изныкымкәа аҳәамҭа ҟанаҵахьан, абџьар шьҭазҵо аибашьцәа ишрылакьымсуа, агуманитартәи амедицинатәи цхыраара шрырҭо азы.
Уаанӡа азауад аҵакыраҟынтәи иалыргахьан украинатәи амилаҭеилыхыҩцәа мчыла иаанкылан ирымаз 177-ҩык аҭынч уааԥсыра: 85-ҩык аҳәсеи 47-ҩык ахәыҷқәеи. Зегьы иахәҭаз амедицинатәи апсихологиатәи цхыраара рыҭан.
Ажәабжьқәа зегьы
0