Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Инал Арӡынба Аԥсны аурыс бызшәа иамоу астатус далацәажәеит

© Sputnik / Олег ЛасточкинУчебник русского языка 10-11 класса
Учебник русского языка 10-11 класса - Sputnik Аҧсны, 1920, 25.05.2022
Анапаҵаҩра
Yandex newsTelegram
Аԥсны азакәанԥҵара инақәыршәаны, ареспубликаҿы ҳәынҭқарратә бызшәас иҟоу аԥсуа бызшәоуп, аха уи инаваргылан аҳәынҭқарратә усбарҭақәа рҿы аурыс бызшәа нарҭбааны ахархәара амоуп.
АҞӘА, лаҵара 25 - Sputnik. Аԥсны Адәныҟатәи аусқәа рминистр Инал Арӡынба иҳәеит ареспубликаҿ аус зуа азакәанԥҵара аурыс бызшәа астатус шахьчо, атәылауаа ԥкырада рхы иадырхәар шауа. Абри атәы аанацҳауеит ААР Амедиацентр.
"Аурыс бызшәа Аԥсны инхо хыԥхьаӡара рацәалатәи аетникатә гәыԥқәа реинырразы ахархәара амоуп. Аԥсны аҵакыраҿы аурыс бызшәа аҩбатәи аҳәынҭқарратә бызшәа астатус ныҟәнагоит", - иҳәеит аминистр.
Аурыс бызшәа ахархәара анормақәа арбоуп Аԥсны Аконституциа ахәҭаҷ 6 аҿы. Урҭ инарықәыршәаны, ареспублика ахадара атәыла иаланхо амилаҭқәа зегьы рхатәы бызшәа рхы иадырхәарц азы алшара рынаҭоит, ахәыҷқәа аԥсышәалеи урысшәалеи аҵараҵара рылшоит.
Акрызҵазкуа адокументқәа, иаҳҳәозар, азакәанқәа рпроектқәа, азинтә актқәа, Аминистрцәа реилазаара, егьырҭ аусбарҭақәа рдокументқәа, русԥҟақәа, рықәҵарақәа зегьы аԥсышәалеи урысшәалеи ирыҩуеит, аҭҵаарадырратә усумҭақәа урысшәыла ирыхьчалар рылшоит.
Ихьыԥшым амилаҭқәа реидгыла аусқәеи, евразиатәи аинтеграциеи, аџьынџьуаа рымадара аусқәеи рзы Аҳәынҭқарратә Дума аилак аилатәара мҩаԥысит Москва лаҵара 25 рзы. Уи аҟны ҩганктәи аусеицура азҵаарақәа ирылацәажәеит.
Егьырҭ азҵаарақәа инарываргыланы, Аҳәынҭқарратә Дума адепутат Леонид Калашников агәҭынчымра ааирԥшит аԥсуа закәанԥҵара анормақәа рганахьала, ҷыдала иааугозар, Апарламент ахь депутатра ицо аҳәынҭқарратә бызшәа рдырыр ахьакәу зҳәо ахәҭаҟны. Калашников игәаанагарала, арҭ аԥҟарақәа де-факто ареспубликаҿы аурыс бызшәа адискриминациа азуроуп иаанаго.
Инал Ардзинба  - Sputnik Аҧсны, 1920, 25.05.2022
Аԥсны
Арӡынба: Аԥсни Урыстәылеи рҳәааҿы агәаҭаратә ҭыԥ аԥыхразы аӡбара рыдкыламызт
Ажәабжьқәа зегьы
0