Путин: Урыстәыла аглобалтә економикатә арена иқәҵӡом

© Foto / POOL / Афотобанк ахь аиасраВидеообращение президента РФ В. Путина к участникам XI Всероссийского фестиваля НХЛ
Видеообращение президента РФ В. Путина к участникам XI Всероссийского фестиваля НХЛ - Sputnik Аҧсны, 1920, 26.05.2022
Анапаҵаҩра
Yandex newsTelegram
Урыстәыла ахада Владимир Путин лаҵара 26 азы Бишкек имҩаԥысуаз Евразиатәи аекономикатә форум апленартә еилатәараҿы дықәгылеит.
АҞӘА, лаҵара 26 - Sputnik. Урыстәыла аглобалтә економикатә арена ақәҵра агәы иҭаӡам, ақәцарагь залшаӡом иҳәеит Владимир Путин лаҵара 26 рзы Бишкек имҩаԥысуаз Евразиатәи аекономикатә форум апленартә еилатәараҿы.
"Ҳәарада, ҳара ибзианы еилаҳкаауеит аҿиара змоу аекономикақәа ирымоу атехнологиа ҳаракқәа ирынаҭо аԥыжәара дуқәа рылшара. Урҭ мап рыцәкра ҳгәы иҭаӡам. Иҟоуп урҭ ҳрылызхыр зҭаху, аха ҳаамҭазтәи адунеи аҿы уи залшаӡом. Ҳара ҳхала ҳхы ҭахаҳамкаар, Урыстәыла иаҩызоу атәыла аӡәгьы џьарантәгьы изықәцаӡом", - иҳәеит Урыстәыла ахада.
Иара иҳәеит Урыстәыла уаанӡеиԥш адунеи аҿы ачакакал аекспортиор дуқәа ишреиуоу. Убри аан ааигәа иаанахәаз ачакакал уажәы аҭира иаҿуп.
Иҟоу аҭагылазаашьақәа раан урыстәылатәи абизнес иреиӷьу аҟазшьақәа аанарԥшуеит, аҭагылазаашьагьы аҽақәнаршәоит иҳәеит Путин.
Урыстәыла аимпорт аԥсахра зегь зыриашоу акакәны иахәаԥшӡом, аха ахатәы ааглыхра, атехнологиа арҿиалоит. Иара иазгәеиҭеит атәылаз акыршаҵанакуа анџьныртәи аҭҵаарадырратәи центрқәа рымазаара.
Ахада иҳәеит Евразиатәи аекономикатә еидгыла (ЕААЕ) атәыла-лахәылақәа рмилаҭтә валиутақәа рыла аилахәаахәҭра 75 процент рҟынӡа ишхалахьоу, иазгәеиҭеит ԥхьаҟагьы амилаҭтә ԥарашәаратә системақәеи абанктә хсаалагақәеи наҟ-ааҟ рхархәара шымҩаԥысло.
Путин агәра игоит евразиатәи апартниорра жәпаҩык рзы ицентр хаданы ишыҟало. Афорум аҿы иара иҳәеит жәларбжьаратәи аҭахра хадақәа ирықәшәо ЕААЕ аекономикатә ҿиара акомплекстә стратегиа шеиҿкаатәу.
"Евразиа ду – ари цивилизациатә проектуп, идеиа хаданы иазыҟоу арегионалтә еиҿкаарақәа рзы еиҟароу аусеицуратә зеиԥш ҵакыра аԥҵароуп. Евразиатәи апартниорра ду иаԥсахроуп аполитикатәи аекономикатәи архитектура, аконтинент зегьы аҿы аҭышәынтәалареи ашәҭыкакаҷреи хәдықәҵара рызнауа иҟалароуп, убри аан ажәларқәа зегьы ркультуреи рытрадициақәеи рыҿиара азԥхьагәаҭазароуп", - иҳәеит Урыстәыла ахада.
Путин иҳәеит Урыстәыла акыршықәса раԥхьа ажәалагала шыҟанаҵахьаз Евразиатәи апартниорра ду аиҿкааразы, уажәы уи еиҳагьы аҵакы шамоу.
Путин ЕААЕ атәылақәа, БРИКС алахәылацәа - Китаии Индиеи егьырҭ атәылақәеи рхадацәа ҭабуп ҳәа реиҳәеит иажәалагала ахьрыдыркылаз азы.
Ажәабжьқәа зегьы
0