Микрофон  - Sputnik Аҧсны, 1920
Арадио

Амҷыԥҳа аиҳабыратә классқәа ашәҟәқәа хәыда-ԥсада рызшаразы: иахьада исмаҳацызт

Амҷыԥҳа аиҳабыратә классқәа ашәҟәқәа хәыда-ԥсада рызшаразы: иахьада исмаҳацызт
Анапаҵаҩра
Yandex newsTelegram
Ашколхәыҷқәа арҵага шәҟәқәа рыла еиқәыршәахоит ҳәа иақәдыргәыӷит Аҵара аминистрраҿы. Хҩык ахәыҷқәа ран Орнелла Амҷыԥҳа арадио Sputnik аефир аҿы ари аус ахҳәаа алҭеит.
Орнелла илҳәеит аҵаҩцәа ашәҟәқәа ашкол аҿы ишрыҭахо атәы арадио амҩаԥгаҩ лҟынтә раԥхьаӡа акәны ишлаҳауа. Уи ажәабжь даара деигәырӷьеит.
"Ажәабжь иахьада исмаҳацызт. Ас иҟалар, уи даара ихазынахоит, избанзар, 2-3 ҩык ахәыҷқәа ахьыҟоу ашәҟәы аахәара зынӡагьы имариаӡам. Ашықәс алагамҭаз ахәыҷқәа реиқәыршәара уаналаго аамҭазы ашәҟәқәа уҟәырхыр, уи хазынахоит. Зынӡа иҿыцым ашәҟәқәа 700 мааҭ иаԥсоуп, иҿыцу – 1000 инареиҳаны. Ашәҟәқәа рахьынтә иҟоуп зыԥшаара мариам, ҳгәаҟуа ҳашьҭоуп ашықәс алагамҭазы еснагь, даара имариам усуп", - еиҭалҳәеит Амҷыԥҳа.
Орнелла далацәажәеит ашәҟәқәа еиқәырханы ҵаҩык иҟынтә даҽа ҵаҩык иахь ииасыртә еиԥш ҭакԥхықәрас иду атәы.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0