Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҳәаанырцәуаа Егры аҳәаала Аԥсныҟа иаалар ауам рҳәеит Адәныҟатәи аусқәа рминистрраҿы

© Sputnik / Томас ТхайцукКПП Ингур
КПП Ингур  - Sputnik Аҧсны, 1920, 03.06.2022
Анапаҵаҩра
Yandex newsTelegram
Егры ала ицо Аԥсны аҳәынҭқарратә ҳәаа 2020 шықәсазы иадыркит акоронавирустә инфекциа иахырҟьаны. Ԥкрақәак иахьа уажәраанӡагьы иҟоуп.
АҞӘА, рашәара 3 – Sputnik, Асмаҭ Ҵәыџьԥҳа. Жәларбжьаратәи аиҿкаарақәа русзуҩцәа рыда егьырҭ аҳәаанырцәуаа АҬ "Егры" ала Аԥсныҟа изаауам ҳәа Sputnik иазеиҭеиҳәеит Аԥсны ААР Аконсултә ҟәша аиҳабы Лаша Аҩӡба.
"Аҳәаахысратә режим аилагараан ма закәаншьаҭада ахысраан азинеилагара иахьырԥшны административтә ма ашьауӷатә ҭакԥхықәра азгәаҭоуп", - иҳәеит иара.
Аҩӡба иҳәеит АҬ "Ԥсоу" аҿы аԥкрақәа ахыхуп аҳәаанырцәуаа рганахьала ҳәа. Урыстәыла алалара азин змоу, уантә Аԥсныҟа аара зыгәҭаку аҳәаанырцәтәылауаҩшәҟә рымазароуп, ртәылеи Урыстәылеи авизатә режим рыбжьазар, авиза рымазароуп.
"Аԥснынтә Урыстәылаҟа ихынҳәуазар, уи аҿҳәара ааиаанӡа хәымш шагу Аконсултә маҵзураҿы адокументқәа аздырхиароуп", - иҳәеит иара.
Аԥсны ААР Аконсултә ҟәша аиҳабы Лаша Аҩӡба иазгәеиҭеит аҳәаанырцәуаа Аԥсныҟа иалаларазы Аԥсны ААР асаит аҿы анкета хадырҭәаароуп. Адыррақәа аус анрыдырулалак ашьҭахь, атәыла алаларазы азин рыҭахоит ма иаауа ихаҭарнак авиза ирҭоит.
Ажәабжьқәа зегьы
0