Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Баҭал Ҷежьиа техникатә нокаутла аиааира игеит Москва имҩаԥысуаз абокс азы ахәылԥаз аҿы

Батал Чежия - Sputnik Аҧсны, 1920, 09.06.2022
Анапаҵаҩра
Yandex newsTelegram
Абокс азы ахәылԥаз еиҿнакааит Васили Вакуленко (арепер Баста) ипромоутертә еилахәыра "GAZFIGHT". Ахәылԥаз аҿы иҟалоит аиқәԥарақәа 10.
АҞӘА, рашәара 9 - Sputnik. Баҭал Ҷежьиа техникатә нокаутла дииааит урыстәылатәи абоксиор Артиом Иванов Москва имҩаԥысуаз абокс азы ахәылԥаз аҟны.
Ари аиқәԥараҟынӡа аурыс спортсмен аиԥыларақәа хԥа роуп имаз апрофессионалтә ринг аҟны, урҭ рахьтә ҩынтә даиааит, знык даҵахеит.
Аа-раундк рыла ишьақәгылаз аиԥылара ишналагаз еиԥшҵәҟьа Баҭал Ҷежьиа иаҳа активра ааирԥшуан, еиҳа икылкааны, иӷәӷәаны дыкшон.
Аԥсуа боксиор аԥыжәара шимаз еиҳагьы иааԥшит аԥшьбатәи араунд аан, усҟан Ҷежьиа дзеисуаз еиҳагьы дигәыдло далагеит. Ажәыларақәа руак аан Ҷежьиа еиқәырццакны иҭаҷкәымкәа рҿынаирхан, Артимо Иванов анокдаун ахь дишьҭит.
Иванов уи ашьҭахь ишьапы дыхгылеит, аха уеизгьы аиқәԥара изацымҵеит, уи азы аӡбаҩ аиԥылара ааникылеит, Баҭал Ҷежьиа техникатә нокаутла даиааит ҳәа азиԥхьаӡеит.
Баҭал Ҷежьиа - Ихьыԥшым амилаҭқәа реидгылеи аславин тәылақәеи рчемпион ититул имоуп, ажурнал "Про Окс" аверсиала. Апрофессионалтә ринг аҿы аиԥыларақәа 16 мҩаԥигахьеит, урҭ рахьтә аиааирақәа 11, аиҭахарақәа 2, аҵахарақәа 3 имоуп.
Ажәабжьқәа зегьы
0