Микрофон  - Sputnik Аҧсны, 1920
Арадио

Мықәԥҳа закәанда аекскурсиа мҩаԥызго рзы: наҟынтәи иааны еиҭарҳәо ҭоурыхӡам, трагедиоуп

Мықәԥҳа аԥҟарақәа еилаганы аекскурсиа мҩаԥызго рганахьала агәаҭарақәа рзы: алҵшәа роуеит
Анапаҵаҩра
Yandex newsTelegram
Аԥсны аекскурсиамҩаԥгаҩцәа рхеилак алахәыла Кама Мықәԥҳа арадио Sputnik аефир аҟны еиҭалҳәеит аԥҟарақәа еилаганы аԥсшьаҩцәа ргәыԥқәа ныҟәызго аекскурсиамҩаԥгаҩцәа ралкааразы агәаҭарақәа иаадырԥшуа.
Аԥсны атуризм аминистрра аԥҟарақәа инарықәыршәаны аршаҳаҭга змам ареспублика аҩнуҵаҟа азин имаӡам аекскурсиақәа рымҩаԥгара. Аԥсны аҩнуҵҟатәи аусқәа рминистрреи атуризм ахаҭарнакцәеи агәаҭарақәа еицымҩаԥыргеит аԥҟарақәа еилазго ралкааразы.
"Иаԥҵан закәанла ахараԥса ҿыцқәа. Урҭ инарықәыршәаны, 18 нызқь мааҭ иқәырҵоит аԥҟарақәа еилаганы аекскурсиақәа мҩаԥызго. Агәаҭарақәа иаадырԥшит аҭагылазаашьа шыҿаасҭоу. Сааҭк аҩнуҵҟа 12–ҩык раҟара зкуа 10-15 машьына ҳбеит Аԥсны аҩнуҵҟа аусура азин змам аекскурсиа шымҩаԥырго. Иакутиа, Узбекисҭанынтәи иааны аус руеит. Аҭагылазаашьа шхлымӡаахыз ҳдыруан, аха абасҵәҟьа ишеиқәаҵәаз дҳарбеит. Агәаҭарақәа шьҭа аҭагылазаашьа аиӷьтәра ианыԥшуеит, рхыԥхьаӡара есааира имаҷхалоит. Ҳара аинформациа рызнаҳгоит Аԥсны аҩнуҵҟа аекскурсиа амҩаԥгара азин змоу ҳтәылауаҩ шиакәу. Наҟынтәи иааны еиҭарҳәо уазыӡырҩыр, уи ҭоурыхӡам, трагедиоуп. Схаҭа исаҳаит Аҟәа 60 шықәса ахыҵуеит ҳәа шеиҭалҳәоз аӡәы, анҵамҭагьы сымоуп. Ас еиԥш иҟоу аекскурсиа амҩаԥгаҩ ҳтәыла далаҵаны, ҳара аԥсуаа акгьы ҟаҳамҵар, ирыцҳарахоит. Агәаҭарақәа алҵшәа ду рымоуп", - лҳәеит Мықәԥҳа.
Аицәажәара инарҭбааны ишәаҳар шәылшоит аудиофаил аҟны.
Ажәабжьқәа зегьы
0