Микрофон  - Sputnik Аҧсны, 1920
Арадио

Раионк аԥсҭазаараҟынтә: Ԥалаванӡиа Аҟәа араион аҟны афымцалашара ахә ахшәаара иазкны

Раионк аԥсҭазаараҟынтә: Ԥалаванӡиа Аҟәа араион аҟны афымцалашара ахә ахшәаара иазкны
Анапаҵаҩра
Yandex newsTelegram
"Амшынеиқәафымцамч" Аҟәа араион "Афымцаҭира" аҟәша аиҳабы Аслан Ԥалаванӡиа арадио Sputnik аефир аҟны еиҭеиҳәеит афымцахархәаразы аԥаралгара аганахьала аҭагылазаашьа зеиԥшроу атәы.
Ԥхынгәы 1 инаркны абзазаратә хықәкқәа рзы афымцамч зхы иазырхәо, агәаҭагақәа ззықәгылам ахатәхаҿқәа киловатт-сааҭк азы 90 капеи ршәалароуп, агәаҭагақәа ззықәгылоу асоциалтә шәагазагақәа ирхымсуазар - 70 капеи ршәалароуп, урҭ ирхыҳәҳәозар - 90 капеи. Афымцалашара ахәқәа аамҭа-аамҭала ишьҭырхлоит хәышықәса рыҩнуҵҟа - 2026 шықәсазы ахәзыԥҵәа 2 мааҭк еиҳахоит аекономикатә ҵаҵӷәы змоу аҩаӡараҟынӡа инеиразы.
"Амшынеиқәафымцамч" ажәытә зыԥҵәала алашараз аԥарашәара аамҭа иацҵоуп ԥхынгәы 15 рҟынӡа.
"Алашара ахәԥса ашьҭыхразы ақәҵара анрыдыркыла анаҩс, ҳауаажәлар иаҳа ирцыхцыхны ирықәу ауал ашәара иалагеит. Аҟәа араион аҟны иҟоуп 4 нызқьи 500-ҩык рҟынӡа абонентцәа, урҭ иаҳхысыз амзазы иаҳа аԥарашәара иалагеит. Араион "Афымцаҭира" иалшеит миллионки 700 нызқь мааҭи рҟынӡа алашара ахә аизгара. Еиҿҳарԥшуазар, иаҳхысыз 2021-тәи ашықәс азы иҳалшеит 800 нызқь мааҭ аизгара", - иҳәеит Ԥалаванӡиа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0