Микрофон  - Sputnik Аҧсны, 1920
Арадио

Џьынџьалԥҳа еиҭалҳәеит ААУ аҟны адкыларатә ԥышәарақәа ианрылаго атәы

Џьынџьалԥҳа еиҭалҳәеит ауниверситет аҟны адкыларатә ԥышәарақәа ианрылаго атәы
Анапаҵаҩра
Yandex newsTelegram
Аԥснытәи аҳәынҭқарратә университет аҭаларазы ашәҟәқәа ахьынӡарыдыркыло, аԥышәарақәа ианрылаго, абитуриентцәа ирыдгалахо ахырхарҭа ҿыц ртәы еиҭалҳәеит ААУ афилологиатә факультет аԥсуа бызшәеи алитературеи ркафедра аиҳабы, адкыларатә комиссиа алахәыла Диана Аџьынџьал.
Аԥснытәи аҳәынҭқарратә университет адкыларақәа хацнаркиижьҭеи ҩбаҟа мзы ҵуеит ҳәа азгәалҭеит Диана Џьынџьалԥҳа. Лаҵарамзазы ашколқәа роушьҭымҭацәа рыбжьара имҩаԥган аолимпиада " Аҳаракырахь амҩа".
"Аолимпиада алҵшәақәа рыла 124 –ҩык, уаҳа аԥышәара амҭакәа, ауниверситет иахыԥхьаӡалахеит. Уи даара шанс бзиан ҳәа сгәы иаанагоит аушьҭымҭацәа рзы. Аҵара ахә ахшәаарада иахыԥхьаӡалахеит еиҳарак аԥхьахәқәа згаз, иахәҭоу абалл змауз ирылшон аҵара ахә ахшәааны аҭалара. 32 хырхарҭа рыла адкыларатә ԥышәарақәа мҩаԥысуеит. Ауниверситет асаит аҟны иҟоуп урҭ азанааҭқәа. Сынтәа аҟазара аҟәшаҟны ҽыцны иалагалан аскульптура азанааҭ. Ауниверситет ахь ашәҟәқәа ҳадаҳкылоит ԥхынгәы 15-нӡа. Аԥышәарақәа азԥхьагәаҭоуп амза 18 инаркны", - лҳәеит Џьынџьалԥҳа.
Аицәажәара иаҳа инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0