Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Сергеи Рахманинов 150 шықәса ихыҵра аҳаҭыразы аконцерт мҩаԥган Аԥсны

© Sputnik / Томас Тхайцук Концерт к 150-летию Рахманинова в Русдраме
Концерт к 150-летию Рахманинова в Русдраме - Sputnik Аҧсны, 1920, 19.07.2022
Анапаҵаҩра
Yandex newsTelegram
АҞӘА, ԥхынгәы 19 - Sputnik. Сергеи Рахманинов 150 шықәса ихыҵра аҳаҭыразы аоператә шәаҳәаҩы Саид Гобечиеи еицырдыруа апианинорҳәаҩы Андреи Коробеиникови аконцерт еицымҩаԥыргеит Аԥсуа драматә театр асценаҿ ԥхынгәы 19 рзы.
Саид Гобечиа Sputnik иаиҭаз аинтервиу аҟны иҳәеит, Коробеиникови иареи ааигәа акомпозитор иромансқәа згәылалаз адиск шҭрыжьыз. Адиск ҭыҵраны иҟоуп 2023 шықәсазы. Артистцәа ари адиск ашьаҭала еиҿкааз апрограмма Аԥсныҟа иааргеит.
"Зеиԥш ыҟам концертуп. Аҟәа ас еиԥш ишьақәгылоу аконцертқәа маҷуп, уи аҟынтә ахәаԥшцәа иргәаԥхап сгәахәоит", - иҳәеит иара.
Гобечиа иажәақәа рыла аконцерт шьахәла имҩаԥысит, артистцәа ахҳәаа бзиақәа роуит.
Аурыс композитор, апианинорҳәаҩы, адирижиор Сергеи Рахманинов диит 1873 шықәсазы. Иара иҟазараҿы иизеиԥшитәит петербургтәии москватәии ркомпозитортә школқәа рпринципқәа, иара убас мраҭашәара-европатәии ааигәа-мрагыларатәии амузыкақәа ртрадициақәа еилеиԥсеит, уи ала зеиԥш ыҟам истиль аԥиҵеит.
Ажәабжьқәа зегьы
0