Микрофон  - Sputnik Аҧсны, 1920
Арадио

Ҳазлацәжәаша ҳамоуп: Гәынба атуристә сезон амҩасшьа иазкны

Ҳазлацәжәаша ҳамоуп: Гәынба атуристә сезон амҩасшьа иазкны
Анапаҵаҩра
Yandex newsTelegram
Акурорт "Пицунда" аҟны зыԥсы зшьоу ауаа рацәаҩума, ишԥамҩасуеи асезон, еиҭашьақәыргылоу акорпусқәа ирызҿлымҳау рацәаҩума, абри атәы арадио Sputnik иазеиҭеиҳәеит аԥсшьарҭатә ҭыԥ аиҳабы Фрикан Гәынба.
Фрикан Гәынба иазгәеиҭеит сынтәа аԥсшьаҩцәа рхыԥхьаӡара шмаҷхаз. 2021 шықәсазы урҭ рхыԥхьаӡара жәеиза нызқь иреиҳан уажәтәи арбагақәа раасҭа, сынтәа - аа-нызқьҩык. Гәынба игәаанагарала арбагақәа реиҵахара зыхҟьаз амшқәа рыхьшәашәареи Урыстәыла имҩаԥнагоу аоперациа ҷыдеи роуп..
Иара убас Гәынба иҳәеит акурорт "Пицунда" иагәу иабзоу шырацәоу: аԥсшьарҭатә ҭыԥқәа рҭеиҭыԥш, ирыдыргало амаҵзурақәа еиӷьызҭгьы аԥсшьаҩцәа рхыԥхьаӡара рацәахаргьы ауан.
"Иахьа Аԥсныҟа иаауа иахьцахьо рацәоуп, изҿдырԥшыша рымоуп. Уажәы зеиҭашьақәыргылара иаҿу акорпус аҿы быжь-еихагылак хиоуп, аҩнымаҭәа аидкылара иаҿуп, уа аҭыԥқәа зегьы аархәахьеит. Ахәгьы маҷӡам, аха иргәаԥхоит, ауаҩы ԥсшьара данаауа шьҭа ишахәҭоу еиԥш иаамҭа ихигар иҭахуп. Сынтәа атуроператорцәа рацәажәарала "Амзара" иааҳартит ҩ-корпукс, аха урҭ аиашазы, аԥсшьаҩцәа ҩнауҵаратәы иҟаӡам," - иҳәеит Гәынба.
Аԥсшьарҭатә ҭыԥ аиҭашьақәыргылара мариам, аамҭеи ахарџь рацәеи аҭахуп.
Сынтәатәи ашықәс атуристә сезон анҵәамҭаз ирзалагало ашәахтәқәа шаҟа иақәгәыӷуа азы Гәынба иҳәеит, макьана азгәаҭақәа рыҟаҵара акыр ишыуадаҩу.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0