Микрофон  - Sputnik Аҧсны, 1920
Арадио

Амҷыԥҳа еиҭалҳәеит ачерқьез-аԥсуа диаспора ахаҭарнакцәа Германиа афестиваль аҿы ишықәгылаз

Амҷԥҳа еиҭалҳәеит ачерқьез-аԥсуа диаспора ахаҭарнакцәа Германиа афестиваль аҿы ишықәгылаз
Анапаҵаҩра
Yandex newsTelegram
Штутгарт имҩаԥысуаз Акультурақәа рфестиваль рхы аладырхәит ачерқьез-аԥсуа диаспора ахаҭарнакцәа. Итрадициатәу аусмҩаԥгатәқәа рҟны ҳдиаспора рхы шаадырԥшуа, ҳҵасқәеи ҳқьабзқәеи реиқәырхаразы иҟарҵо атәы еиҭалҳәеит Германиа иҟоу Аԥсны ахаҭарнакра аиҳабы Хьыбла Амҷыԥҳа.
Германиа аԥхын итрадициа бзианы иҟоуп акультуратә фестивальқәа рымҩаԥгара, ҳара ҳцентрқәа ахьыҟоу ақалақьқәа рҿы ҳхы рылаҳархәуеит лҳәеит Амҷыԥҳа арадио аефир аҟны.
"Афестивальқәа рҿы ицәыргоуп ақалақь иаланхо амилаҭқәа зегьы ркультура - рышәаҳәара, рыкәашара, рышәҵатәы, ртрадициа. Абарҭқәа зегьы рцәыргара алшара ыҟоуп. Ҳара ҳтәқәагьы (ҳдиаспора ахаҭарнакцәа - азгә.) абри рхы иархәаны, лассы–ласс иқәгылалоит ақалақьтә ныҳәақәа рҟны. Иаалукаартә иҟоуп Штутгарт иҟоу ацентр, дара еснагь активра аадырԥшуан, анапхгаҩ бзиа дрымоуп - Агәымба Аидын. Ашәаҳәара, акәашара илоуп, аҭаацәа бзиа имоуп. Иԥшәмаԥхәыс Абасԥҳаи иареи рыхшара рмилаҭ рҵасала ирааӡеит. Рыԥҳа Џьансеҭ-Рана Агәымԥҳа шьҭа ауниверситет далгоит, напхгарагьы алҭоит акәашартә гәыԥ. Афестиваль аҟны даараӡа ибзианы иқәгылеит ҳәа сыԥхьаӡоит. Уи зықьҩыла ауаа алахәуп. Афестиваль аҟны иҟан асенатор, дара рпарламент ахада, хылҵшьҭрала ичерқьезу Германиа ақыҭанхамҩа аминистр", - лҳәеит Амҷыԥҳа.
Лара иазгәалҭеит адиаспора ахаҭарнакцәа рмилаҭтә хдырра аиқәырхараҟны ас еиԥш аусмҩаԥгатәқәа рылахәхара иамоу аҵакы.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0