https://sputnik-abkhazia.info/20220723/ayaa-rybzhara-ashapylampylasrazy-aitslabra-khatsyrkup-1040456319.html

Ақыҭақәа рыбжьара ашьапылампыласразы аицлабра хацыркуп

Ақыҭақәа рыбжьара ашьапылампыласразы аицлабра хацыркуп

Sputnik Аҧсны

Ашьапылампыласразы ақыҭақәа рыбжьара аицлабра хацныркит Аԥсны ашьапылампыл Афедерациа Аҳәынҭқарратә бираҟ амш аҽны. 23.07.2022, Sputnik Аҧсны

2022-07-23T19:29+0300

2022-07-23T19:29+0300

2022-07-23T22:12+0300

аԥсны

ажәабжьқәа

аспорт

https://cdnn1.img.sputnik-abkhazia.info/img/07e6/07/17/1040457018_0:210:2769:1768_1920x0_80_0_0_32790f7e856f10d1d8935fb9012b0c52.jpg

АҞӘА, ԥхынгәы 23 - Sputnik. Ақыҭақәа рыбжьара ашьапылампыласразы аицлабра раԥхьатәи ахәмарраҟны еиԥылеит Ҷлоуи Лыхни ркомандақәа, 3:1 ҳәа ҷлоуаа аиааира ргеит.Атурнир аартра далахәын Аԥсны аԥыза-министр актәи ихаҭыԥуаҩ, ақыҭанхамҩа аминистр Беслан Џьапуа. Иара иазгәеиҭеит ақыҭақәа ркомандақәа еиуеиԥшым аспорт хкқәа рҟны рхы шԥыршәо. Џьапуа актәи ахәмарра аартреи ампыл аимдареи рзин ҟаиҵеит."Аспорт аҟны, шәыԥсҭазаараҟны, шәусураҿы иахьабалак аманшәалара шәыцзааит", - иҳәеит иара.Аԥсны абыргцәа рхеилак аиҳабы Аполлон Думаа иҳәеит, ақыҭақәа рыбжьара ас еиԥш аицлабрақәа асоветтә аамҭазгьы ишымҩаԥыргоз, агәыӷрагьы ааирԥшит есышықәса иалахәхо ақыҭақәа рхыԥхьаӡара еизҳалап ҳәа.Аицлабра аартра ашьапылампыласцәа ирыдиныҳәалеит аспорт азҵаарақәа рзы Аԥсны ахада иабжьгаҩ Ахра Ашәба.Аицлабра иалахәуп ақыҭақәа Лыхны, Дәрыԥшь, Ҷлоу, Кәтол, Алаҳаӡы, Приморск, Џьырхәа, Ҵарча, Бзыԥҭа, Аӡыҩбжьа, Уарча, Ешыра рҟынтәи 12 команда.Аицлабра афинал мҩаԥгахоит нанҳәамза 7 рзы. Аицлабраҿ иаиааиз ахраҿақәеи амедалқәеи ранашьахоит.

https://sputnik-abkhazia.info/20210305/arash-agba-Asny-ashapylampyl-azy-aiara-ama-ianylaroup-1031954927.html

2022

Ажәабжьқәа

ab_AB

ажәабжьқәа, аспорт