Микрофон  - Sputnik Аҧсны, 1920
Арадио

Кәыҵниа аԥсуа-аурыс еиқәырхаҩцәа русеицуразы: рԥышәа ҳара ҳзы даара ихәарҭоуп

Кәыҵниа аԥсуа-аурыс еиқәырхаҩцәа русеицуразы: рԥышәа ҳара ҳзы даара ихәарҭоуп
Анапаҵаҩра
Yandex newsTelegram
Урыстәылазегьтәи аиқәырхаҩцәа рконфекренциа алҵшәақәеи, АҶА Донбасс имҩаԥнаго ацхыраареи, аԥсеиқәырхаҩцәа аԥхынтәи аамҭазы русуреи ртәы арадио Sputnik аефир аҿы еиҭеиҳәеит Аԥсны аҭагылазаашьа ҷыдакәа рминистр Лев Кәыҵниа.
Аԥсни Урыстәылеи аиқәырхаҩцәа реиқәшәараҿы зегь реиҳа ихадараны иқәдыргылоу зҵаароуп - аҭагылазаашьа уадаҩрақәа раан аусеицура, ҳәа азгәеиҭеит Кәыҵниа аиҿцәажәараҿы.
"Санкт-Петербург ҳаиқәшәараҿы еиҳарак ҳалацәажәон аус хьанҭақәа раан ҳусеицура. Аԥышәа змоу аиқәырхаҩцәа ирылшо рацәоуп, ирҿуҵааша ыҟоуп, Аԥсны аҷыдарақәа инарымаданы иаҳа ирлас, иаҳа иманшәаланы ацхыраара шыҟаҵатәу ҳалацәажәон. Уи аԥышәа даара ихәарҭоуп", - ҳәа еиҭеиҳәеит Кәыҵниа.
Иара убас Кәыҵниа дазааҭгылеит Донецк хатәгәаԥхарала еибашьуаз, иҭахаз Лоран Смыр иԥсыбаҩ аагаразы аус шеиҿыркааз.
Аԥсны аҭагылазаашьа ҷыдакәа рминистр Лев Кәыҵниа ицо атурсезон ахҳәаа аҭауа иҳәеит, ари аамҭазы аиқәырхаҩцәа рус ишацло. Аԥсшьаҩцәа лассы-лассы амашәыр иақәшәалалоит, аха ацхырааҩцәа рус арманшәаларазы дара иахьцо иахьаауа адырра ҟарҵалароуп ҳәа азгәеиҭеит Кәыҵниа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0