Микрофон  - Sputnik Аҧсны, 1920
Арадио

Багаҭелиа еиҭеиҳәеит Ауадҳара иахьазы аԥсшьараамҭа шцо

Багаҭелиа Ауадҳара аԥсшьараамҭазы: асезон алагамҭаз ауаа маҷын амшцәгьақәа ирыхҟьаны
Анапаҵаҩра
Yandex newsTelegram
Иахьазы Ауадҳара аԥсшьараамҭа шымҩасуеи, шаҟаҩы аднакылар алшои, аԥсшьаҩцәа рыԥсшьаразы ҿыцрақәоу иалагалоуи ртәы арадио Sputnik иазеиҭеиҳәеит Риҵатәи амилаҭтә реликттә парк атуризми аекскурсиақәеи рыҟәша аиҳабы Етлан Багаҭелиа.
"Ауаа иҳамоу рацәаҩуп, ауадақәа зегьы ҭәуп. Ари амзазы ибзианы ҳааиуеит. Асезон алагамҭаз амшцәгьақәа ирыхҟьаны иҳамаз ауаа маҷын. Аҿаҵақәа ыҟан, аҭыԥ аанкылара анрылаҳҳәа ашьҭахь иаразнак иаҿарҵон, аха амшцәгьақәа ирыхҟьаны иаҳзымнеиз рацәахеит. Аԥсуаа роуп еиҳарак рыԥсы зшьоу. Аҭыԥ анааныркыло аҭыԥ ахә абжа ршәаратәы иҟоуп, аха ауадаҩрақәа ацуп уи аус. Изшәо дыҟоуп, изымшәо дубап. Еиҳарак ианыҩнало иршәарц рҭахуп. Абжа аныршәалак ашьҭахь ианаамҭоу ҳазнеиӡом зҳәаз, иаларгалаз иргьежьны ираҳҭоит, иагхан изҳәаз - ирықәнаҳкылоит. Абас еиԥш аԥҟара аԥаҳҵеит ҵыԥхи сынтәеи, иашьцылароуп, ауаҩы днеи-дымнеи аусзуҩцәа рус мҩаԥыргоит", - иҳәеит Багаҭелиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0