Микрофон  - Sputnik Аҧсны, 1920
Арадио

Арҷелиаԥҳа аковид чмазаразы: иатәаумбар ҟалаӡом

Арҷелиаԥҳа аковид чмазаразы: иатәаумбар ҟалаӡом
Анапаҵаҩра
НовостиTelegram
Иахьазы аковид чмазара асезонтә грипп иаҿурԥшыр ҟалома, ичмазаҩу еиҳарак ишырхырго атәы арадио Sputnik аефир аҟны еиҭалҳәеит атәыла атерапевт хада Анжела Арҷелиаԥҳа.
Аковид асезонтә чмазарақәа иреиԥшхо иалагеит ҳәа агәаанагара рымоуп Роспотребнадзор аекспертцәа. Ҩышықәса рыҩнуҵҟа дара имҩаԥыргахьо аҭҵаарақәа уи иаҳа-иаҳа идырҵабыргуеит, убасгьы, ковид асезонтә чмазарақәа реиԥш еиҳа амҽхак анарҭбаауа ҭагалани аӡыни роуп ҳәа азгәарҭоит.
"Ари ачымазара зыԥсҭазаара ҿахнаҵәаз ауаа рацәоуп, убри аҟынтәи иатәаҳамбар ҟалаӡом. Асезонтә чмазарахоит ҳәа ҳгәы иаанагоит хышықәса-ԥшьышықәса рышьҭахь, аха иара агрипп, убасгьы "испанка" ҳәа иҟан, урҭ авирусқәа цәгьоуп, избанзар ауаа рыԥсҭазаара иалҵуеит. Ари акгьы унархьуам, ҩымш-хымш хәшәык ужәыр иухнагоит ҳәа хьаас иумкыр ҟалом", - лҳәеит Арҷелиаԥҳа.
Лара иазгәалҭеит иахьазы аковид аштамм ҿыцқәа ауаа реиҳараҩык иаҳа имарианы ирхыргоит ҳәа, аха убри аан илҳәеит зшьа жәпоу ашьаҭашәра рызцәырнагар шауа, убри аҟынтә аҳақьымцәа рыдҵаалара аҭахуп, рабжьгарақәа ирықәныҟәалатәуп ҳәа.
Аицәажәара инарҭбааны ишәаҳар шәылшоит аудиофаил аҟны.
Ажәабжьқәа зегьы
0