Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Шоигу: арратә операциа ҷыдаҿы аамҭа агара – ихықәку ӡбамҭоуп

© Sputnik / Пресс-служба Минобороны РФ / Амедиаҵәахырҭахь аиасраВстреча министров обороны России и Великобритании С. Шойгу и Б. Уоллеса
Встреча министров обороны России и Великобритании С. Шойгу и Б. Уоллеса - Sputnik Аҧсны, 1920, 24.08.2022
Анапаҵаҩра
Жәабран 24 раахыс Урыстәыла Украина абџьархыхрази Донбасс ахақәиҭтәрази арратә операциа ҷыда мҩаԥнагоит.
АҞӘА, нанҳәа 24 – Sputnik. Украина арратә операциа ҷыда амҩаԥгараан аамҭа агара – ихықәку ӡбамҭоуп, аҭынчуааԥсыра рыгәҭа ишалшо ала аԥсҭбарақәа реиҵатәра иазырхоуп, абри атәы иҳәеит Урыстәыла Атәылахьчара аминистр Сергеи Шоигу ШОС атәылақәа ртәылахьчаратә усбарҭақәа рхадацәа реиԥылараҿы.
"Аоперациа ҷыда амҩаԥгараан агуманитартә зин аԥҟарақәа ҳрықәныҟәоит. Ажәылара иаҵанакуа Украина Арбџьармчқәа робиектқәеи ринфраструктуреи (анапхагараҭаратә ҭыԥқәа, аҳаирбаӷәазақәа, ахырӷәӷәарҭақәа, абџьаршьҭаҵарҭақәа, арра-ааглыхратә комплексқәа) роуп, иара уигьы икылкаан ихысуа абџьар ала. Иалшо зегь ҟаҳҵоит аҭынчуааԥсыра ԥырхага рмоурц. Ҳәарада, ари ажәылара арццакуам, аха изызхәыцу усуп", - иҳәеит аминистр.
Шоигу иажәақәа рыла, урыстәылатәи аруаа зых иақәиҭыртәыз аҵакырақәа рҿы аҭынч ԥсҭазаара алзыршаша ауснагӡатәқәа ирҿуп.
"Имҩаԥаагоит агуманитартә цхыраара, еиҭашьақәҳаргылоит аинфраструктура", - иҳәеит иара.
Убри аан аминистр иазгәеиҭеит "украинатәи арратә еиҿкаарақәа иқәыблаау адгьылҵакыра атактика ахархәара шарҭо, ишеиларго жәларбжьаратәи анормақәа, террористцәак рыҳасаб ала рхы шымҩаԥырго".
"Ауаа рынхарҭақәа, ашколқәа, ахәшәтәырҭақәа, ахәыҷбаҳчақәа рхы иадырхәоит ахыхьчараз ма абџьар ашьҭаҵарҭас. Арҭ ахыбрақәа рҵакыраҿы атанкқәеи артиллериеи дыргылоит. Хықәкыла ихысуеит ауаа реиланхарҭахь аминақәа "Лепесток" рыла, иахьынӡазалшо ала аграждантә хаҿқәеи аинфраструктуреи аахақәа рырҭаразы", - иҳәеит Шоигу.
Работа РСЗО БМ-21 Град по позициям ВСУ на Авдеевском направлении - Sputnik Аҧсны, 1920, 23.08.2022
Урыстәыла Донбасс имҩаԥнаго арратә операциа ҷыда
ДЖәР аҵакыраҿы иҭархоуп 200-ҩык рҟынӡа украинатәи амилаҭеилыхыҩцәа
Ажәабжьқәа зегьы
0