Микрофон  - Sputnik Аҧсны, 1920
Арадио

Хра злоу ахҭысқәа: Ҳагбеи Гыцбеи Аԥсны Ахьыԥшымра аԥеиԥш иазкны

Хра злоу ахҭысқәа: Ҳагбеи Гыцбеи Аԥсны Ахьыԥшымра аԥеиԥш иазкны
Анапаҵаҩра
Аполитолог Беслан Ҳагбеи Аԥсны Жәлар Реизара адепутат, адипломат Инар Гыцбеи арадио Sputnik аефир аҿы еиҭарҳәеит Аԥсны Ахьыԥшымра азхаҵара амш иацааиуаз ахҭысқәа ртәы, уи иаҳзааныртыз амҩақәа.
Нанҳәа 26 рзы ареспубликаҿы иазгәарҭоит Аԥсны Ахьыԥшымра жәларбжьаратәи азхаҵара амш. Жәиԥшь шықәса раԥхьа, нанҳәа 26 2008 шықәсазы Урыстәылатәи Афедерациа Аԥсны Ахьыԥшымра азханаҵеит. Уи азы Аусԥҟа инапы аҵеиҩит усҟантәи Урыстәыла Ахада Дмитри Медведев.
Арадиостудиа асасцәа иргәаладыршәеит Урыстәыла аҟынтә Аԥсны Ахьыԥшымра азхаҵаразы ажәабжь шраҳаз атәы, уи шрыдыркылаз, насгьы ирҳәеит уи ахҭыс шыҟалоз атәы агәыӷра еснагь ишыҟаз.
"Абасҵәҟьа иаалырҟьаны иҟалоит ҳәа азхаҵара хаҳҵаӡомызт. Уи аамҭаз Москва сыҟан. Ирацәаны аиԥыларақәа ҳаман аԥсуаа, аха уи ажәабжь убасҟак ҳашьҭанхит, ауха ҳацәаӡамызт", - ҳәа игәалаиршәеит Ҳагба.
Аполитолог еиҭеиҳәеит Ахьыԥшымра азхаҵара иаԥхьагылаз ахҭысқәа ртәы, насгьы усҟантәи аамҭаз Урыстәыла аган Аԥсны аганахьала агәаанагара аҽшеиҭанакуаз.
Адипломат Инар Гыцба игәаанагарала Ахьыԥшымра маругоуп аҳәынҭқарра аҿиараҿы. Уи иҳанаҭоит алшарақәа уаанӡа иҳамамыз, аха убри аан иара иажәақәа рыла, уи аныҟәгашьа аҽақәыршәатәуп. Ахьыԥшымра – аҳәынҭқарра аргылараҿы ишьаҟаны иҟазароуп ҳәа азгәеиҭеит иара.
Аполитолог Беслан Ҳагба иажәақәа рыла, Аԥсны ахьыԥшымра нагӡаны иамаиуит. Раԥхьа иргыланы еиҿкаатәуп амилаҭтә ҳәынҭқарра, анапы рхаха Урыстәыла адгылара уи ихәарҭам ҳәа азгәеиҭеит иара.
Астудиа асасцәа иара убасгьы ргәаанагарақәа рҳәеит Аԥсны аидгылатә ҳәынҭқарра алаларазы, иара убасгьы ҳтәыла аԥеиԥш атәы уи аныҟала аамҭазы.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0