Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи адипломатцәа ҿарацәа Казань имҩаԥысуаз афорум иалахәын

© Foto / Медиацентр МИД АбхазииМолодые дипломаты из Абхазии приняли участие в форуме в Казани
Молодые дипломаты из Абхазии приняли участие в форуме в Казани - Sputnik Аҧсны, 1920, 29.08.2022
Анапаҵаҩра
НовостиTelegram
Адипломатцәа ҿарацәа рфорум 2017 шықәса раахыс имҩаԥыргоит, уажәы иара еиҿкаан Казань. Аԥсны есышықәса ари афорум иалахәуп.
АҞӘА, нанҳәа 29 - Sputnik, Асмат Ҵәыџьба. Аԥснытәи адипломатцәа рделегациа Казань имҩаԥысуаз V адипломатцәа ҿарацәа рфорум иалахәын.
Аԥсны Адәныҟатәи аусқәа рминистрраҟны иаԥҵо адипломатцәа ҿарацәа Рхеилак алахәыла Викториа Маланиаԥҳа лажәақәа рыла, афорум аҳәаақәа ирҭагӡаны еиуеиԥшым атемақәа рыла асеминарқәеи аиҿцәажәарақәеи мҩаԥган.
"Аиԥш зеиԥшу афорумқәа рылахәхара алҵшәа бзиа рымоуп, уи адыррақәа аизырҳареи уаанӡатәи аиҩызара арӷәӷәареи. Иара убас, есааира Аԥсны ахьӡ еиҳа-еиҳа ирдыруеит, арҭ ашықәсқәа ирылагӡаны аҩызцәа бзиақәа ҳарҳаит", - лҳәеит лара.
Афорум аҳәаақәа ирҭагӡаны Урыстәылеи, Аԥсни, Аахыҵ Уаԥстәылеи рдипломатцәа ҿарацәа злахәыз астолгьежь мҩаԥган. Аиҿцәажәараҟны аганқәа аҿартә хеилак аԥҵареи, уи лҵшәа бзиала аус ауразы иҟаҵатәу доусы рԥышәа еиҭарҳәеит.
© Foto / Медиацентр МИД АбхазииАԥснытәи адипломатцәа ҿарацәа Казань имҩаԥысуа афорум иалахәын
Молодые дипломаты из Абхазии приняли участие в форуме в Казани - Sputnik Аҧсны, 1920, 28.08.2022
Аԥснытәи адипломатцәа ҿарацәа Казань имҩаԥысуа афорум иалахәын
Уи адагьы, Аԥснытәи аделегациа урыстәылатәи рколлегацәа ирзеиҭарҳәеит Урыстәыла Адәныҟатәи аусқәа рминистрра иатәу адипломатцәа ҿарацәа Рхеилак иаԥнаҵаз Адипломатцәа ҿарацәа жәларбжьаратәи рассоциациа иалаларц ргәы ишҭоу.
Маланиаԥҳа лажәақәа рыла, афорум аиҿкааҩцәа алахәылацәа рзы Казань аҭоурыхи акультуреи аҭҵааразы аекскурсиақәа рзымҩаԥыргеит.
Ажәабжьқәа зегьы
0