Микрофон  - Sputnik Аҧсны, 1920
Арадио

Ҳазлацәажәша ҳамоуп: Ачԥҳа ашәҟәы "Ҭырқәтәыла иҟоу абзыԥқәа рҳәамҭақәа" иазкны

Ҳазлацәажәша ҳамоуп: Ачԥҳа ашәҟәы "Ҭырқәтәыла иҟоу абзыԥқәа рҳәамҭақәа" иазкны
Анапаҵаҩра
НовостиTelegram
Ашәҟәы "Ҭырқәтәыла иҟоу абзыԥқәа рҳәамҭақәа" ианылаз аматериалқәа шеизгаз, аҭыжьра ахшыҩҵак шцәырҵыз арадио Sputnik аефир аҟны еиҭалҳәеит авторцәа-аиқәыршәаҩцәа ируаӡәку ажурналист, аҵарауаҩ Алина Ачԥҳа.
"Ҭырқәтәыла иҟоу абзыԥқәа рҳәамҭақәа" захьӡу ашәҟәы ҭыжьуп Гәлиа ихьӡ зху Аԥсуаҭҵааратә институт аҟны. Иара "Аԥсны анҭыҵ инхо аԥсуаа рҳәамҭақәа" асериа иахәҭакуп. Ашәҟәы авторцәа-аиқәыршәаҩцәас иҟоуп Алина Ачԥҳаи Фатима Лакырԥҳаи.
"Ашәҟәы иацы ҳаламгаӡеит 1990-тәи ашықәсқәа рзы ауп. Раԥхьаӡа Ҭырқәтәыла 1990 шықәсазы саныҟаз журналистк иаҳасабала иҭасыҩуан аԥсуаа зҟны снеиуаз. Ус сгәы иаанагон арҭ аматериалқәа Аԥсуа радио аҿы адырраҭарақәа рылсхуеит ҳәа. Аматериалқәа жәпакы ансԥыхьашәа, Аԥсныҟа саныхынҳә, арадио анаҩсгьы Аԥсуаҭҵааратә институтаҟны аусура салагеит, даҽа хырхарҭак ала анҵамҭақәа аус рыдулара схы азыскит. Иахьа бызшәадырҩык иаҳасабала ауп аматериалқәа шцәырзго. Аԥсуа жәлар рҳәамҭақәа ахьӡуп, ииашаны дара рҳәамҭақәа роуп. Ҳара афольклористцәа реиԥш акәӡамызт ишанаҳҵоз, асиужетқәа ҳрышьҭаӡамызт, дара рхазы, рыжәлар рзы ԥсышәала ирызҳәоз зегьы анаҳҵон", - лҳәеит Аҷԥҳа.
Ари ашықәс нҵәаанӡа аҵарауаа шәҟәны аиқәыршәара ргәы иҭоуп аус здыруло ахҷыԥсааи ԥсҳәааи рцәажәашьақәа.
Ашәҟәы "Ҭырқәтәыла иҟоу абзыԥқәа рҳәамҭақәа" ианыԥшуеит зыԥсадгьыл иаҟәыганы иҟоу аԥсуаа рбызшәа, рыхдырра, ркультура аҭагылазаашьа. Хәарҭара алоуп аԥсуа, ашәуа, ачерқьес уҳәа, убас Кавказ жәларқәа рбызшәеи рфольклори рыҭҵаара иазҿлымҳау аԥхьаҩцәа рзы.
Аицәажәара иаҳа инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0