Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аномер ԥшӡақәа: афонд "Ашана" агәыҳалалратә аукцион аихшьалақәа ҟанаҵеит

© Sputnik / Акоп КущянДенежные купюры
Денежные купюры  - Sputnik Аҧсны, 1920, 05.09.2022
Анапаҵаҩра
НовостиTelegram
АҞӘА, цәыббра 5 - Sputnik. Агәыҳалалратә фонд "Ашана" аукцион "Аномер ԥшӡақәа" хнаркәшеит, абри атәы арадио Sputnik иазеиҭалҳәеит афонди АИХқәеи реинырраз аменеџьер Мариа Шьакаиаԥҳа.
"Аукцион х-етапкны имҩаԥган. Шәҩык рҟынӡа алахәын. Зынӡа еизган ҩ-миллионки 898 нызқь мааҭ", - лҳәеит лара.
Зегь раасҭа хәдула аукцион аҿы ирҭиит автомашьынатә номер E999УУ. Иара иахшәаан 195 нызқь мааҭ.
"Иара убасгьы иазгәаҭатәуп алотқәа рзыԥҵәақәа шыҳаракызгьы, автобзиабаҩцәа аукцион ахықәкы бзианы еилкаауа асоциалтә ҭакԥхықәра аадырԥшит. Ирацәаҩын аномерқәа иаразнакы иаазхәоз наӡын ԥарала", - лҳәеит лара.
Акциа иалнаршоит афонд "Ашана" зҿу аԥареизгарақәа раркра.
Дети АШАНА - Sputnik Аҧсны, 1920, 31.08.2022
Аԥсны
Еревантәи аҳақьым зырныҟәаратә аппарат апроблемақәа амоу ахәыҷқәа ҭиҵаауеит
"Аукцион "Аномер ԥшӡақәа" иаҳнаҭаз алшарала ҳара иаразнакы афонд зхылаԥшуа Амир Ҳалуашьи Баграт Џьабааи рыхәшәтәра ахә ҳшәеит. Иара убасгьы иаҳаркит аԥареизгара Анела Лакашьиаԥҳа, Леона Қриаԥҳа рзы", - лҳәеит Шьакаиаԥҳа.
Агәыҳалалратә аукцион "Аномер ԥшӡақәа" мҩаԥысуан ԥхынгәы 1 инаркны нанҳәа 31 аҟынӡа. Акции амҩаԥгара алыршаразы Шьакаиаԥҳа ҭабуп ҳәа иалҳәеит Аҩнуҵҟатәи аусқәа рминистр Вальтер Быҭәба.
Ажәабжьқәа зегьы
0