Микрофон  - Sputnik Аҧсны, 1920
Арадио

Қәҭелиа IT-коллеџь "Сириус" иҭалаз рзы: ҳгәыӷуеит, аҵараҟны рхы бзианы иаадырԥшып ҳәа

Қәҭелиа IT-коллеџь "Сириус" иҭалаз рзы: ҳгәыӷуеит, аҵараҟны рхы бзианы иаадырԥшып ҳәа
Анапаҵаҩра
НовостиTelegram
Аԥснытәи аҿар IT-коллеџь "Сириус" аҭаларазы лшарас ирымоу, ралԥшаара шымҩаԥысуаз атәы арадио Sputnik аефр аҟны еиҭеиҳәеит Аԥсны абызшәеи аҵаратә политикеи рминистрра ауаажәларра рымадаразы информациатә ҟәша аиҳабы Аслан Кәҭелиа.
Аинновациатә аҭҵаарадырра-технологиатә коллеџь "Сириус" сынтәа Аԥснынтә 6-ҩык абитуриентцәа аднакылеит. Дара уаҟа хәыда-ԥсада аҵара рҵалоит.
Қәҭелиа иазгәеиҭеит сынтәа ҩышықәса шҵуа IT-коллеџь "Сириус" Аԥснынтәи абитуриентцәа ҭалартә алшара рымоуижьҭеи.
"Ҵыԥхгьы фҩык абитуриентцәа ҭалеит. Иахьазы хәыҷык ҳгәы ҳнархьуазаргьы, хҩык роуп иаанханы аҵара зҵо, аха дара рхы бзианы иаадырԥшуеит. Арҵаҩцәа идырҽхәоит, ҳразгәыдууп. Сынтәа аҭаларазы агәазыҳәара змаз 20-ҩык раҟара ыҟан, аха имҩаԥгаз IT-раунд захьӡыз аицлабра ашьҭахь, абиуџьеттә хырхарҭала аҭалара азин роуит фҩык", - иҳәеит Кәҭелиа.
Иара агәыӷра ааирԥшит IT-коллеџь иаднакылаз аҿарацәа уи ианҭалоз аԥышәараан рхы шаадырԥшыз еиԥш аҵараҟынгьы ақәҿиарақәа роуп ҳәа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0