Микрофон  - Sputnik Аҧсны, 1920
Арадио

Аԥшьлааԥҳа аурыс дипломатиа апринцип азы: инакәзаалкгьы амҩа иацәхьаҵӡомызт, уи ҿырԥшыгоуп

Абшьлааԥҳа Аԥсны адипломатцәа ҿарацәа рдыррақәа реизырҳара иазкны
Анапаҵаҩра
НовостиTelegram
Аԥсны адипломатцәа ҿарацәа Урыстәыла аҳҭнықалақь аҟны рдыррақәа реизырҳара шымҩаԥысуа еиҭалҳәеит Аԥсны адәныҟатәи аусқәа рминистр ицхырааҩ Милана Аԥшьлааԥҳа.
Аԥсны адәныҟатәи аусқәа рминистрра аусзуҩцәа Урыстәыла Адәныҟатәи аусқәа рминистрра иатәу Адипломатиатә Академиаҟны рԥышәа еиздырҳауеит цәыбрра 5 инаркны 16 нӡа. Аԥсуа дипломатцәа жәларбжьаратәи аизыҟазаашьақәеи Урыстәыла адәныҟатәи аполитикеи рҟны иҟоу иактуалтәу апроблемақәеи ҭырҵаауеит. Акурсқәа рырҵара-тематикатә план мҩаԥысуеит "Жәларбжьаратәи аизыҟазаашьақәа. Урыстәыла адәныҟатәи аполитика" ахырхарҭала. Аԥышәа аизырҳаразы акурс иахысуа рыбжьара иҟоуп убасгьы Урыстәыла иҟоу Аԥсны ацҳаражәҳәарҭа аусзуҩцәа.
"Москва Адипломатиатә Академиа ҳҭаара аҳәаақәа ирҭагӡаны изныкымкәа еиуеиԥшым аконтинентқәа рҿы изҳаражәҳәаҩыз ауаа ҳареи ҳаиқәшәара ҳанасыԥхеит. Иҳарҭо адыррақәа ртәы иааизакны иаҳҳәозар, дыррас исыдыскылаз хаҭала сара уи ауп, аурыс милаҭ инакәзаалакгьы ирацәаны аҭагәҭасрақәа ирнысхьан, иахьагьы ирнысуеит, ижәдыруеит, ҳаамҭазы аполитика ҭышәынтәалам. Аҭагылазаашьа злаҟазаалакгьы, Урыстәыла аҭоурых иазкугьы алекциа хазы иҳамоуп, дыррас иаҳнаҭаз уи ауп, инакәзаалакгьы рымҩа иацәхьаҵӡомызт. Рымч, ргәахәара, рымч азнеишьа, убарҭқәа иахьанӡа еиқәырханы иаазгаз, убри ҿырԥшыгоуп. Дара ирҿаҳҵаауа рацәоуп, агәра ганы сыҟоуп ҳара ҳзынгьы уи дыррахап ҳәа. Уи апринцип ауп ҳара ҳазну, иахьанӡагьы ҳаазгаз, ҳмилаҭ маҷзаргьы ҳапринципқәа еиқәшәеит, агәра ганы сыҟоуп ҳдунеихәаԥшышьақәа злеиқәшәо, излеиԥшхо рацәахоит ҳәа", -лҳәеит Аԥшьлааԥҳа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0