Микрофон  - Sputnik Аҧсны, 1920
Арадио

Дамениа: ҳҳәынҭқарра ҳахьчарц, уи ишьҭнахуа ала ҳхы мҩаԥаагароуп, ҳхьыԥшымра ааҳарԥшыроуп

Дамениа: ҳҳәынҭқарра ҳахьчарц, уи ишьҭнахуа ала ҳхы мҩаԥаҳгароуп, ҳхьыԥшымра ааҳарԥшыроуп
Анапаҵаҩра
НовостиTelegram
Асоциал - економикатә ҭҵаарақәа рцентр аиҳабы, ауаажәларратә усзуҩы Олег Дамениа далацәажәеит Аԥсни Урыстәылеи рыбжьара адипломатиатә еизыҟазаашьақәа рышьақәыргыларазы ашәҟәы амч, иаанартыз амҩақәа, иахьатәи аизыҟазаашьақәа рырҿиараҟны изызхәыцтәу аԥсуа ҳәынҭқарраҿы.
Жәиԥшь шықәса раԥхьа цәыббрамза 9, 2008 шықәсазы Аԥсны Аҳәынҭқарреи Урыстәылатәи Афедерациеи рыбжьара адипломатиатә еизыҟазаашьақәа шьақәыргылан. Аԥсны ахьԥшымра аназханаҵа ашьҭахь Урыстәыла аԥсуа жәлар рҭынч ԥсҭазаара, рԥеиԥш, ихьыԥшым ҳәынҭқаррак аҳасабала ареспублика аҟазаара агарантс иқәгылеит. Аҳәынҭқаррабжьаратә еизыҟазаашьақәа аиҩызареи астратегиатә усеицуреи рышьаҭала иҿиоит.
Урыстәыла Аԥсны ахьыԥшымра ахьазханаҵаз, уи иацны имҩаԥгаз аиҿкааратә усқәа иаҳзаадыртыз алшарақәа ирызхәыцлатәуп, еснагь ҳаҭырла ирызнеитәуп, убри аан аус дырулатәуп ҳәа азгәеиҭеит Дамениа.
"Иҳагу арбану ҳҳәозар, раԥхьа иргыланы иҳагуп асуверенитет. Ҳара ҳхьыԥшымра ааҳарԥшыроуп. Урыстәыла уи азхаҵара анаҭеит, аха ихаҳҵома ҳара ҳхаҭа? Абри иаҭаху, иашьашәалоу аиҿкааратә усмҩаԥгатәқәа рҟны ҳхьысҳауп. Акгьы ҟаҳҵаӡом, иҟаҵаӡам ҳәа акәӡам сшахәаԥшуа. Убри иашьашәалоу, аҳәынҭқарратә маҵура иаҵанакуа дырны, профессионалла имҩаԥаагароуп. Иҟаҳамҵароуп убас Урыстәыла ицаны ҳхаҭарнакцәа ирарҳәо ала ара аус еиҿыркааларц. Ҳара Урыстәыла ҳаннеиуа Аԥсынтәыла иҟоу аҭагылазаашьа ахәшьара ақәҵаны, нас араҟа ицәырҵуа азҵаарақәа ӡбашьас ирымоу ҳәа ҳара ҳаԥшьгарала инеиуазароуп аурыс ҳәынҭқаррахь. Убас еиԥш иҟалеит иахьа анкьа аҩажәатәи ашәышықәсазы иҟаз астереотип Аԥсны иҟаҵатәыз Қарҭ ицаны иҵаауан, уи ҳахькылнагаз жәбеит. Уажәы Москва ҳцаны ҳҵааны Аԥсны иҟаҵатәузеи ҳәа анкьа ишыҟаз еиԥш ҳхы мҩаԥаагалар, уи иаанагаӡом ҳҳәынҭқарра ахьыԥшымра еилаҳкаауеит ҳәа. Ҳара ҳҳәынҭқарразар, уи ахьыԥшымра ҳахьчар ҳҭахызар, уи ишьҭнахуа ала ҳхы мҩаԥаагароуп", - ҳәа азгәеиҭеит Дамениа.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0