https://sputnik-abkhazia.info/20220916/kan-ania-asny-abati-afronti-urystyla-aganakhala-anasha-eibashrei-1041544124.html
Кан Ҭаниа: Аԥсны аҩбатәи афронти Урыстәыла аганахьала анашԥа-еибашьреи
Кан Ҭаниа: Аԥсны аҩбатәи афронти Урыстәыла аганахьала анашԥа-еибашьреи
Sputnik Аҧсны
Қырҭтәыла аҩбатәи афронт аартра ахьынӡалшо, Украина иҟоу аҭагылазаашьа егьырҭ атәылақәа рҿы аимакқәа рырҿыхара ишацхраауа, ахԥатәи адунеизегьтәи аибашьра... 16.09.2022, Sputnik Аҧсны
2022-09-16T13:00+0300
2022-09-16T13:00+0300
2022-09-16T13:00+0300
аԥсны
ажәабжьқәа
аполитика
https://cdnn1.img.sputnik-abkhazia.info/img/102211/27/1022112700_0:0:3133:1762_1920x0_80_0_0_b5a02c5f0e58309410c87b6183c738fd.jpg
SputnikЦәыббра 13 рзы аиҳабыратә партиа "Грузинская мечта" ахада Иракли Кобахиӡе далацәажәеит ареферендум амҩаԥгара алшо иалымшо, Қырҭтәыла ауааԥсыра аҩбатәи афронт аартра рҭаху ирҭахыму аилкааразы. Кан Ҭаниа иажәақәа рыла, Қырҭтәыла иҟанаҵалак иарбанзаалак аполитикатә шьаҿа ашәарҭара ацуп, цугцванг ҳәа изышьҭоу аҭагылазаашьаҿы иҟоуп.Урыстәыла иаҿагыланы аҩбатәи афронт аанартыр, ахатә ҳәынҭқарра аҟазаара ашәарҭара иҭагылар алшоит, аибашьра мап ацәнакыр – Мраҭашәаратәи апартниорцәа ргәы ацәыхьшәашәахар алшоит.Убри аан, адипломат игәаанагарала, Аԥсны аҭынчреиԥш аибашьрагьы иазыԥшызароуп. Уи азы ареспубликаҿ хымԥада арратә лшара рӷәӷәалатәуп, Қырҭтәыла Аԥсны аҵакырақәа ампыҵахалараз аҽазышәарақәа аанарԥшуанаҵы.Актуалтә диалогҬаниа игәаанагарала, иахьа Женеватәи аиҿцәажәарақәа уаанӡа аасҭагьы иаҭахны иҟоуп. Аиҿцәажәарақәа ирхықәкы хадоу аҭынчраз аиқәшаҳаҭра, Қырҭтәыла азин анаҭом Аԥсни Аахыҵ Уаԥстәылеи бџьаршьҭыхрала рықәлара.Адипломат агәра ганы дыҟоуп адокумент анапаҵаҩра уажәы ишаамҭоу. Уи ишалнаршо арегион аҿы аибарххара арҭынчра, егьырҭ атәылақәа рзы ишҿырԥшыгахо.Аха Қырҭтәыла аиқәшаҳаҭра анапаҵаҩра иақәшаҳаҭым. Ус шакәугьы, Кан Ҭаниа игәаанагарала, аиҿцәажәарақәа хымԥадатәиуп аимак ду аԥырҟәҟәааразы."Аиҿцәажәарақәа мҩаԥгалатәуп ақырҭуа дипломатцәа реиԥш аиҿцәажәарақәа ирлахәылоу егьырҭ атәылақәа – ЕАА, Евроеидгыла, ЕАР, ОБСЕ рдипломацәагьы ргәаанагарақәа рдырразы", – иҳәеит иара.Изаамҭанытәиу женеватәи аиҿцәажәарақәа рраунд азԥхьагәаҭоуп 2022 шықәса жьҭаара 5 рзы.Адипломатцәа рыбжьы анымго, рыбжьы дыргоит абзарбзанқәаАԥсны ААР анапынҵа ҷыдақәа змоу ацҳаражәҳәаҩ игәаанагарала, адунеи аҿы анашԥа еибашьра ацара иаҿуп, Мраҭашәара атәылақәа Украина анапала Урыстәыла иабашьуеит.Украина 2022 шықәса жәабранмзазы арратә операциа ҷыда ианалага ашьҭахь Мраҭашәаратәи атәылақәа Урыстәыла асанкциақәа адҟарҵалеит, ҷыдала урыстәылатәи адипломатцәа атәылақәа ирылырцеит. Кан Ҭаниа игәаанагарала, ари уаанӡа иҵааркны иҟаз аимакқәа рҿыхара иахыҵхырҭахеит."Иарбанзаалак иаанкылоу аимак аҿы иҟоуп абжьаҟазацәа. Шамахамзар, ари ароль Америка, Урыстәыла, Евроеидгыла роуп знапы иану. Аганқәа алахәны адиалог анымҩаԥысуа, ацҳаражәҳәацәа аныбжьаҟазо – аимак аиҭацәырҵра еиҳа алшара маҷуп. Иахьа, урыстәылатәи адипломатцәа асеиԥш рызныҟәара аимадара-цҳақәа ықәрыблааит ауп иаанаго. Аимакқәагьы ана-ара ихәыҵҟьо еиҭалагеит. Аоперациа ҷыда аиҭакра дуқәа ирхыҵхырҭахеит, избанзар адипломатцәа аиԥылара, аицәажәара ианаҟәыҵ, еиддырҷаҷалаз аилаҳара иалагеит", - иҳәоит Ҭаниа.Ахԥатәи адунеизегьтәи аибашьра ма анашԥа-еибашьраАҵыхәтәантәи ашықәсқәа рзы аполитикцәеи ауаажәларратә усзуҩцәеи еиҳа-еиҳа ахԥатәи адунеизегьтәи аибашьра иалацәажәо иалагеит. Аҩбатәи адунеизегьтәи аибашьра ашьҭахь аҽынкыларатә механизм аԥҵан, абџьар аганахьалеиԥш адипломатиа аганахьалагьы. Уажәы иазымхоны иҟоу иара абри ауп иҳәоит адипломат.Ахԥатәи адунеизегьтәи аибашьра алмыршаразы, иҵаарку аимакқәа раԥырҟәҟәааразы жәларбжьаратәи аизыҟазаашьақәа рсистема ҭышәынзыртәалоны иаԥҵаз Еиду амилаҭқәа реиҿкаара амодернизациа мҩаԥгатәуп. Ҭаниа игәаанагарала, иахьазы ЕАР анапынҵақәа азынанагӡом, еиуеиԥшым атәылақәа еиуеиԥшымкәа иахьрызнеиуа азы.
https://sputnik-abkhazia.info/20220914/asny-aar-agynchymra-aanarshueit-yrtyla-abati-afront-aartra-alsharaa-iakhrylatsazho-1041524449.html
https://sputnik-abkhazia.info/20220914/asny-adnyati-ausa-rministrray-zhenevati-aitsazharaa-rkhyky-khada-arbanu-reit-1041524855.html
https://sputnik-abkhazia.info/20220907/ainfliatsia-asanktsiaa-afat-azy-ailaara-putin-aduneit-agylazaasha-akhshara-aieit-1041377244.html
https://sputnik-abkhazia.info/20220913/lavrov-urystyla-aganakh-ala-mraashara-imanago-anasha-eibashra-aish-amlatst-1041490596.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, аполитика
Кан Ҭаниа: Аԥсны аҩбатәи афронти Урыстәыла аганахьала анашԥа-еибашьреи
Қырҭтәыла аҩбатәи афронт аартра ахьынӡалшо, Украина иҟоу аҭагылазаашьа егьырҭ атәылақәа рҿы аимакқәа рырҿыхара ишацхраауа, ахԥатәи адунеизегьтәи аибашьра алагара уҳәа рызҵаарақәа арадио Sputnik аефир аҿы дрылацәажәеит Аԥсны ААР анапынҵа ҷыда змоу ацҳаражәҳәаҩ Кан Ҭаниа.
Цәыббра 13 рзы аиҳабыратә партиа "Грузинская мечта" ахада Иракли Кобахиӡе далацәажәеит ареферендум амҩаԥгара алшо иалымшо, Қырҭтәыла ауааԥсыра аҩбатәи афронт аартра рҭаху ирҭахыму аилкааразы. Кан Ҭаниа иажәақәа рыла, Қырҭтәыла иҟанаҵалак иарбанзаалак аполитикатә шьаҿа ашәарҭара ацуп, цугцванг ҳәа изышьҭоу аҭагылазаашьаҿы иҟоуп.
Урыстәыла иаҿагыланы аҩбатәи афронт аанартыр, ахатә ҳәынҭқарра аҟазаара ашәарҭара иҭагылар алшоит, аибашьра мап ацәнакыр – Мраҭашәаратәи апартниорцәа ргәы ацәыхьшәашәахар алшоит.
"Ҳәарада, Қырҭтәыла ҩ-мцак ирыбжьагылоуп. Иалнахыроуп еиҳа ишәарҭам, ажәлар рҿаԥхьа, Мраҭашәаратәи аҩызцәа рҿаԥхьа, аҩыза гәакьа Украина аҿаԥхьа ахы ариашарц азы. Қырҭтәыла амчрақәа аибашьра иаҿагылоит. Дара ирҳәоит ареферендум мҩаԥгатәуп ажәлари амчрақәеи ргәаанагарақәа хҭак ишеицҭадыршәуа аарԥшразы ҳәа", - иҳәоит Ҭаниа.
Убри аан, адипломат игәаанагарала, Аԥсны аҭынчреиԥш аибашьрагьы иазыԥшызароуп. Уи азы ареспубликаҿ хымԥада арратә лшара рӷәӷәалатәуп, Қырҭтәыла Аԥсны аҵакырақәа ампыҵахалараз аҽазышәарақәа аанарԥшуанаҵы.
Ҭаниа игәаанагарала, иахьа Женеватәи аиҿцәажәарақәа уаанӡа аасҭагьы иаҭахны иҟоуп. Аиҿцәажәарақәа ирхықәкы хадоу аҭынчраз аиқәшаҳаҭра, Қырҭтәыла азин анаҭом Аԥсни Аахыҵ Уаԥстәылеи бџьаршьҭыхрала рықәлара.
Адипломат агәра ганы дыҟоуп адокумент анапаҵаҩра уажәы ишаамҭоу. Уи ишалнаршо арегион аҿы аибарххара арҭынчра, егьырҭ атәылақәа рзы ишҿырԥшыгахо.
Аха Қырҭтәыла аиқәшаҳаҭра анапаҵаҩра иақәшаҳаҭым. Ус шакәугьы, Кан Ҭаниа игәаанагарала, аиҿцәажәарақәа хымԥадатәиуп аимак ду аԥырҟәҟәааразы.
"Аиҿцәажәарақәа мҩаԥгалатәуп ақырҭуа дипломатцәа реиԥш аиҿцәажәарақәа ирлахәылоу егьырҭ атәылақәа – ЕАА, Евроеидгыла, ЕАР, ОБСЕ рдипломацәагьы ргәаанагарақәа рдырразы", – иҳәеит иара.
Изаамҭанытәиу женеватәи аиҿцәажәарақәа рраунд азԥхьагәаҭоуп 2022 шықәса жьҭаара 5 рзы.
Адипломатцәа рыбжьы анымго, рыбжьы дыргоит абзарбзанқәа
Аԥсны ААР анапынҵа ҷыдақәа змоу ацҳаражәҳәаҩ игәаанагарала, адунеи аҿы анашԥа еибашьра ацара иаҿуп, Мраҭашәара атәылақәа Украина анапала Урыстәыла иабашьуеит.
Украина 2022 шықәса жәабранмзазы арратә операциа ҷыда ианалага ашьҭахь Мраҭашәаратәи атәылақәа Урыстәыла асанкциақәа адҟарҵалеит, ҷыдала урыстәылатәи адипломатцәа атәылақәа ирылырцеит. Кан Ҭаниа игәаанагарала, ари уаанӡа иҵааркны иҟаз аимакқәа рҿыхара иахыҵхырҭахеит.
"Иарбанзаалак иаанкылоу аимак аҿы иҟоуп абжьаҟазацәа. Шамахамзар, ари ароль Америка, Урыстәыла, Евроеидгыла роуп знапы иану. Аганқәа алахәны адиалог анымҩаԥысуа, ацҳаражәҳәацәа аныбжьаҟазо – аимак аиҭацәырҵра еиҳа алшара маҷуп. Иахьа, урыстәылатәи адипломатцәа асеиԥш рызныҟәара аимадара-цҳақәа ықәрыблааит ауп иаанаго. Аимакқәагьы ана-ара ихәыҵҟьо еиҭалагеит. Аоперациа ҷыда аиҭакра дуқәа ирхыҵхырҭахеит, избанзар адипломатцәа аиԥылара, аицәажәара ианаҟәыҵ, еиддырҷаҷалаз аилаҳара иалагеит", - иҳәоит Ҭаниа.
Ахԥатәи адунеизегьтәи аибашьра ма анашԥа-еибашьра
Аҵыхәтәантәи ашықәсқәа рзы аполитикцәеи ауаажәларратә усзуҩцәеи еиҳа-еиҳа ахԥатәи адунеизегьтәи аибашьра иалацәажәо иалагеит. Аҩбатәи адунеизегьтәи аибашьра ашьҭахь аҽынкыларатә механизм аԥҵан, абџьар аганахьалеиԥш адипломатиа аганахьалагьы. Уажәы иазымхоны иҟоу иара абри ауп иҳәоит адипломат.
Ахԥатәи адунеизегьтәи аибашьра алмыршаразы, иҵаарку аимакқәа раԥырҟәҟәааразы жәларбжьаратәи аизыҟазаашьақәа рсистема ҭышәынзыртәалоны иаԥҵаз Еиду амилаҭқәа реиҿкаара амодернизациа мҩаԥгатәуп. Ҭаниа игәаанагарала, иахьазы ЕАР анапынҵақәа азынанагӡом, еиуеиԥшым атәылақәа еиуеиԥшымкәа иахьрызнеиуа азы.
