Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәатәи аӡбарҭа Гудиса Агрба аҩнытә баандаҩра иқәнаҵеит

© Sputnik / Томас Тхайцук Судебный молоток
Судебный молоток  - Sputnik Аҧсны, 1920, 19.09.2022
Анапаҵаҩра
НовостиTelegram
Мчыбжьык аԥхьа Гудиса Агрба дырбаандаҩны дшыҟоу дааныжьзарц азы аӡбарҭахь азыҳәа нашьҭын.
АҞӘА, цәыббра 19 - Sputnik. Аҟәатәи ақалақьтә ӡбарҭа уаанӡатәи акультура аминистр Гудиса Агрба ирбаандаҩра аҿҳәара иацҵазарц азыҳәа мап ацәнакит, иара аҩнытә баандаҩра иқәнаҵеит. Абри атәы аанацҳауеит аӡбарҭа асаит.

Аҟәатәи аӡбарҭа Аԥсны уаанӡатәи акультура аминистр аҩнытә баандаҩра ҩымз иқәҵоуп- 2022 шықәса абҵара 16 рҟынӡа.

Мшаԥымза 20 рзы Агрба даанкылан имаҵураҭыԥ ихы иархәаны аҳәынҭқарратә мазара мҽхакы ҭбаала еимҵәаны ихатәитәит ҳәа. Иҟаиҵаз аԥхасҭа 14,3 миллион мааҭ артәеит ҳәа иазыԥхьаӡоуп.
Абри аус ала ацәгьоура дацхраауан ҳәа гәҩарас дҟаҵоуп Надир Џьинал. Апрокуратура хада адыррақәа рыла, Агрбеи Џьинали еицәажәаны алашареи абжьи рзы амаругақәа излаҟамыз ала хәы ҳаракыла раагаразы ацәгьоуратә еиқәшаҳаҭра рыбжьарҵеит.
Гәдиса Агрба Аԥсны Акультура аминистрс дыҟан 2020 шықәса рашәарамза инаркны 2022 шықәса жәабранмзанӡа.
Ажәабжьқәа зегьы
0