Таџьикисҭан ААР аҳәааҿы иҭахаз рхыԥхьаӡара атәы рҳәеит

© Sputnik / Игорь Егоров / Амедиаҵәахырҭахь аиасраСитуация на границе Киргизии и Таджикистана
Ситуация на границе Киргизии и Таджикистана - Sputnik Аҧсны, 1920, 19.09.2022
Анапаҵаҩра
НовостиTelegram
Киргизиеи Таџьикисҭани рҳәаа ахоура иахьаҵанакуаз аибашьрамҩаԥысуан ҩымш рыҩныҵҟа.
АҞӘА, цәыббра 19 – Sputnik. Киргизиеи Таџьикисҭани рҳәааҿ аиҿахысрақәа раан иҭахеит Таџьикисҭан атәылауаа 41-ы ҳәа аанацҳауеит РИА Новости Таџьикисҭан ААР ахада ихаҭыԥуаҩ Садык Имоми ибрифинг аҿтәи идыррақәа шьаҭас иҟаҵаны.

"Киргизиеи Таџьикисҭани рҳәааҿ цәыббра 14-17 рзтәи аиҿахысрақәа раан иҭахеит Таџьикисҭан атәылауаа 41-ы. Ари ахыԥхьаӡара еиҳахар ҟалоит, избанзар ахәрақәа змоу рҟынтә ирацәаҩуп зҭагылазаашьа хьанҭоу", - иҳәеит иара.

Уаанӡа киргизиатәи аган адырра ҟанаҵахьан 59-ҩык ҭахеит, 163-ҩык ахәрақәа роуит ҳәа. Таџьикисҭан иҭахаз рыдагьы аахақәа роуит 30-ҩык.
Аҳәааҿы цәыббра 16 рзы иаалырҟьаны аҭагылазаашьа цәгьахеит. Еилкаам иарбан гану аԥхьа аҭынчра еилазгаз. Аганқәа дара-дара ахара рыдибаҵоит.
Аиҿахысрақәа аанкылан цәыббра 17 рзы, аха Таџьикисҭан ААР аҳәааҿ аҭагылазаашьа акыр еибарххоуп ҳәа ирыԥхьаӡоит.
Ситуация на границе Киргизии и Таджикистана - Sputnik Аҧсны, 1920, 16.09.2022
Киргизиа Таџьикисҭан ахара аднаҵоит аҳәааҿы апровокациақәа мҩаԥнагоит ҳәа
Ажәабжьқәа зегьы
0