Афырхацәа рымҩала: Аӡынба Аҟәа ахақәиҭтәреи аҳәынҭқарра ашьақәгылареи ирызкны
Афырхацәа рымҩала: Аӡынба Аҟәа ахақәиҭтәреи аҳәынҭқарра ашьақәгылареи ирызкны
Анапаҵаҩра
Аԥсны Афырхаҵа Шамиль Аӡынба арадио Sputnik аефир аҿы игәалаиршәеит Аҟәа ахақәиҭәраан хҭыск, убасгьы аԥсуа ҳәынҭқарра ашьақәгылара иадҳәаланы игәаанагара иҳәеит.
Аԥсны Афырхаҵа еиҭеиҳәеит аҳҭнықалақь аҭарцәраан инеимыгӡаз адҵа атәы, уи азы лахь зырмоуз иҩызеи иареи.
"Иаҳҭахыз ҟалеит. Аҳәынҭқарра асимволқәа зегьы ҳамоуп. Уи иацаҳҵароуп, иҳарӷәӷәалароуп. Аҿар рахь схы рханы исҳәар исҭаху, иагьа фырхаҵара ааурԥшыргьы, жәа-танк ҭаурхаргьы, аҵара ануҵо шәынтә-зқьынтә амч, алшара ауҭоит уҳәынҭқарра, иурӷәӷәоит. Ҳашмаҷугьы хшыҩла ҳаиааироуп, ишәымдыруеи акәтаӷь напыла аган уасыр иԥҽоит, аха ахыи аҵыхуи уырӷәӷәар, аԥҽра мариаӡам. Убас ҳҟалароуп ҳаргьы. Иахьа имҩаԥысуа апроцессқәа уи аҳәынҭқарра аргылара иацуп. Миллионла иҟоу, ҳацкьыс еиҳау ажәларқәа аҳәынҭқарра рымаӡам. Аҽага зку анхаҩгьы, аԥхьагылра зуа аполитикгьы аҳәынҭқарратә хәыцшьа рымазароуп. Убри азоуп ҳзаиааиз, аҳәынҭқаррагьы зҳауз. Нанҳәа 14 рзы аԥсуаа абџьар зышьҭырхыз ажәлар реиқәырхаразоуп. Мгәала ҳхәыцызҭгьы иахьа ҽакала ҳаиӷьны ҳанхозҭгьы ҟаларын, аха ҳаԥсыуаны ҳҟаларызма? Анцәа иҳалиршаз ҳазхәыцны, ҳахаҵгыланы, пату ақәҵаны имҩаԥаҳгароуп", - иҳәеит Аӡынба.
Аицәажәара инеиҵыхны ишәаҳар шәылшоит аудиофаил аҟны хыхь.
