Микрофон  - Sputnik Аҧсны, 1920
Арадио

Бжьаниаԥҳа еиҭалҳәеит Аԥсны аҭоурых аицакра иаҿагыло амедиапроект ҿыц атәы

Бжьаниаԥҳа еиҭалҳәеит Аԥсны аҭоурых аицакра иаҿагылоу амедиапроект ҿыц атәы
Анапаҵаҩра
НовостиTelegram
Аԥсны акультура аминистр иабжьгаҩ Милана Бжьаниаԥҳа арадио Sputnik аефир аҿы еиҭалҳәеит ҳтәыла аҭоурых амедиаҿы аӡыргара иазку апроект ҿыц ахықәки уи аицакразы иҟоу аҽазышәарақәеи ртәы.
Амедиа қәыԥшылараҿы атоурых ардырра: иактуалтәу азҵаарақәеи ҳаамҭазтәи атенденциақәеи захьӡу апленартә еилатәара мҩаԥысит Москва цәыббрамза 27 рзы, иара иалахәын жәларбжьаратәи аекспертцәа реиԥш аԥсуа специалистцәагьы. Излацәажәоз азҵаара хадақәа иреиуан аҭоурых-культуратә ҭынха аиқәырхара, аҭоурых аицакра, ари аганахьала знапы иану аусбарҭақәа русушьа аиҿкаара. Аилатәараҿы ажәахә лыман дықәгылеит Аԥсны акультура аминистр иабжьгаҩ Милана Бжьаниаԥҳа.
"Аҭоурых аицакра аус цоит. Уи инамаданы аекспертцәа иалыркааит еиуеиԥшым аформақәа ҳхы иархәаны аҭоурых ишыҟоу аӡыргаразы аус. Иазгәарҭеит, ишаԥҵатәу иҿыцу амедиатә ҭыԥқәа иишоу аҭоурых аӡыргара ахьалыршахо, иара убас иахьа еицырдыруаны иҟоу аплошьадкақәа рҿы ишаҭаху ус еиԥш аусура амҩаԥгара", - ҳәа азгәалҭеит Бжьаниаԥҳа.
Аԥсны аҭоурых, иара убас ааха ӷәӷәа зауз акультуратә ҭынхақәа ирызку амедиа апроект ҿыц архивтә фактқәа инарықәыршәаны, аиҿкаара азгәаҭоуп акультура аминистрра абзоурала ҳәа лҳәеит Милана арадиоефир аҿы. Избанзар, уи даараӡа аҵак ду амоуп.
"Апроект ҵакыс иамоу Аԥсны аҭоурых аӡыргара жәларбжьаратәи аҳәынҭқаррақәа рҿы. Еиҳарак, аԥсуа адиаспора ахьықәынхо. Уи анхыркәшахалак ашьҭахь иигахоит 6-бызшәак рахь. Қәырҭтәыла аҳәынҭқарра Аԥсны аҭоурых ӡырнагоит адунеи аҟны дара ишырзыманшәалоу, уи ҳҳәынҭқарра аинтересқәа аанарԥшӡом", - ҳәа лҳәеит Бжьаниаԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0