Микрофон  - Sputnik Аҧсны, 1920
Арадио

Ҳазлацәажәаша ҳамоуп: Чхамалиа "Ҭагалан аԥшшәхәқәа-Аԥсны-2022" иазкны

Ҳазлацәажәаша ҳамоуп: Чхамалиа "Ҭагалан аԥшшәхәқәа-Аԥсны-2022" иазкны
Анапаҵаҩра
НовостиTelegram
ААУ асахьаҭыхреи адизаини ркафедра адоцент, асахьаҭыхҩы Руслан Чхамалиа арадио Sputnik аефир аҿы еиҭеиҳәеит, асахьаҭыхыҩцәа рзы ихацыркхаз арт-пленер амҩаԥгара иахәҭаны изиԥхьаӡои, насгьы избан аҟаза изы ҭагалан иҷыдоу аамҭоу.
Октиабр 3 инаркны 12-нӡа Аԥсны имҩаԥыслоит Жәларбжьаратәи арт-пленер "Ҭагалан аԥшшәхәқәа-Аԥсны-2022". Сынтәа ари абыжьбатәи арт пленеруп, насгьы Аԥснытәи аҳәынҭқарратә университет 90 шықәса ахыҵра азгәаҭара иадҳәалан имҩаԥыслоит.
Жәларбжьаратәи арт-пленер ахықәкы хада астудентцәа рҵарадырра, рбаҩхатәра аизырҳара ауп иҳәеит Руслан Чахамалиа арадиоефир аҿы. Аԥсны анҭыҵ иҟоу, аус зуа аҟазацәа ара иаауа, амастер-классқәа астудентцәа рзы еиҿыркаауеит, уи аҵара процесс иацхраауа усуп ҳәа азгәеиҭеит.
"Уи анаҩсгьы асасцәа иаауа аԥсадгьыл аҭоурых рзеиҭаҳҳәоит, апленер ахьымҩаԥырго аҭыԥқәа рҿы акульутартә баҟақәа дҳардыруеит. Асахьаҭыхыҩцәа рҿы еиҳарак ҭагалан азҿлымҳара замоу убри ауп, аԥсабара ҩеижьхоит, абыӷькаԥсара иалагоит, аҵла иаҵәаӡа иангылоу иԥшӡоуп, аха абӷьы анкаԥсо, ицәырҵуа аԥшәқәа ҷыдарак рымоуп, уи ԥхаррак рнаҭоит, гәҭыках рнаҭоит асахьаҭыхыҩцәа. Ас Урыстәылагьы ирацәаны имҩаԥыргоит апленерқәа ҭагалан, ҳара ҳҿы изаԥшьаҳгазгьы, ара ишыҟоу еиԥш ҽаџьара иҟамзар ҟалап, уи азгәарҭоит иаауа аҟазацәагьы", - иҳәеит Чхамалиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0