Микрофон  - Sputnik Аҧсны, 1920
Арадио

Барганџьиа ақыҭанхамҩатә программа иаиааиз реиқәыршәаразы: аусура иалагахьоу еигәырӷьоит

Барганџьиа еиҭеиҳәеит, ақыҭанхамҩатә программа иаиааиз реиқәыршәара аус шцо атәы
Анапаҵаҩра
НовостиTelegram
Ақыҭанхамҩа аминистрра агроном хада Едуард Барганџьиа арадио Sputnik аефир аҿы еиҭеиҳәеит ақыҭанхамҩа арҿиаразы апрограмма аҳәаақәа ирҭагӡаны анхацәа амаругақәа рызшара аус шцо атәы.
Едуард Барганџьиа иҳәеит, апроект аҿы ишарбоу еиԥш анхацәа ирҭаху амаҭәахәқәа рыла ишеиқәдыршәо.
"Аицлабра аныҟаз иаиааиз апроеткқәа рҿы иарбоуп аҵиаақәа рыҭара, аҵәҩанқәа, амотоблокқәа. Уажәы ҳара ашара ҳаҿуп,12 цыра рҟынӡа раҳҭахьеит. Ауҭраҟны атрактор ду зҭалаӡом аҟынтә уи цхыраагӡа дууп. Ааԥынгьы иаҳшахьан 10 цырак. Еиҭа иҳамоуп. Иахьа зегьы ирзымгаӡеит, ашьҭаҵарҭа аҿы ишьҭоуп ф-цырак. Уигьы рызшахоит аус ауразы. Аанда злаҟарҵо аҵәҩанқәа 220 цыра ҿаҳәара шьҭоуп. Апроект аҿы иарбаны измоу зегьы ироуеит. Ианаамҭоу ираҳҭоит. Амҿтәы ҵәҩанқәоуп, алакациа иалхуп. Ибзиоуп. Аҳаракыреи ажәпареи иақәыршәаны иҟоуп", - иҳәеит Барганџьиа.
Аҵиаақәа иахәҭоу аҟәрышь азырбаны иҟоуп, иахыԥхьаӡаланы, аамҭа анааилак иаагахоит, ҳәа азгәеиҭеит Барганџьиа.
"Уаанӡа аҭыԥ хкааны, ицәаӷәаны иҟаҵатәуп, анаҩс урҭгьы шаны ираҳҭоит. Араионқәа рҿы иҟоу МТС адырра рымоуп, ианаамҭоу ацәаӷәараҿы ирыцхраауеит. Уи амза анҵәамҭазы акәхоит", - иҳәеит иара.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0