Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Женеватәи аиҿцәажәарақәа рраунд ҿыц азгәаҭоуп ԥхынҷкәынмзазы

CC0 / / Дворец Нации. Женева.
Дворец Нации. Женева.  - Sputnik Аҧсны, 1920, 06.10.2022
Анапаҵаҩра
НовостиTelegram
Кавказ ашәарҭадареи аҭышәынтәалареи рзы Жәларбжьаратәи женеватәи аиҿцәажәарақәа изаамҭанытәиу 56-тәи рраунд мҩаԥысит жьҭаара 5 рзы.
АҞӘА, жьҭаара 6 - Sputnik. Аахыҵ Кавказ ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа рраунд ҿыц азгәаҭоуп ԥхынҷкәынмзазы ҳәа иҳәеит ашәарҭадареи аҭышәынтәалареи рзы Жәларбжьаратәи Женеватәи аиҿцәажәарақәа 56-тәи рраунд аихшьаалақәа ҟаҵо Урыстәыла ААР аминистр ихаҭыԥуаҩ Андреи Руденко.
Иара еиҭеиҳәеит аиҿцәажәарақәа ԥхынҷкәнмзазы Женева ирыцҵазарц азы ишеицәажәаз.
Руденко иазгәеиҭеит ауснагӡатә алахәылацәа аиҿцәажәараз аинтерес шрымоу, иҳәеит амшхәаԥштә аҟны ишалацәажәаз азиншьаҭа змоу, амч ахамырхәараз аиқәшаҳаҭра анапаҵаҩреи аԥсуа-қырҭуа ҳәааи, ақырҭуа-аахыҵуаԥстәылатә ҳәааи рышьақәыргылара иазкыз азҵаарақәа.
Қырҭтәыла Аԥсны аганахьала амч ахамырхәаразы аиқәшаҳаҭара анапаҵаҩра мап ацәнакит, абри атәы иҳәеит Аԥсны АА рминистр Инал Арӡынба, женеватәи аиҿцәажәарақәа изаамҭанытәиу 56-тәи рраунд аихшьаала ҟаҵо.
Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа аҵыхәтәантәи аиԥылара мҩаԥган 2021 шықәсазы. Изаамҭанытәиу 56-тәи рраунд мҩаԥысран иҟан хәажәкыра 2022 шықәсазы, аха аамҭала иаанкылан ЕАР, Евроеидгыла, ОБСЕ иҟарҵаз ажәалагалала.
Женеватәи жәларбжьаратәи аиҿцәажәарақәа мҩаԥысуеит 2008 шықәса жьҭаарамза раахыс, Аахыҵ Уаԥстәылатәи ахҭысқәа инадыркны. Жәларбжьаратәи Женеватәи аиҿцәажәарақәа ирылахәупАԥсны Аҳәынҭқарра, Аахыҵ Уаԥстәыла, Урыстәылатәи Афедерациа, ЕАА рхаҭарнакцәа, ЕЕи ЕАРи, ОБСЕи рыцхантәаҩлара.
Ажәабжьқәа зегьы
0