https://sputnik-abkhazia.info/20221009/1200-avtomashyna-ryna-rydyrkyleit-rymti-atsa-aaigara-eikaau-aagylaray-1041973183.html
1200 автомашьына рҟынӡа рыдыркылеит Ҟрымтәи ацҳа ааигәара еиҿкаау ааҭгыларҭаҿы
1200 автомашьына рҟынӡа рыдыркылеит Ҟрымтәи ацҳа ааигәара еиҿкаау ааҭгыларҭаҿы
Sputnik Аҧсны
Ааҭгыларҭақәа еиҿкаауп абаӷәаза "Кавказ" аҿы, Тамани аҳабла Ильичи рҿы. 09.10.2022, Sputnik Аҧсны
2022-10-09T13:20+0300
2022-10-09T13:20+0300
2022-10-09T13:20+0300
ажәабжьқәа
ахҭысқәа
https://cdnn1.img.sputnik-abkhazia.info/img/07e6/0a/09/1041972718_0:120:1280:840_1920x0_80_0_0_7820e77ac885d12100a54a20ce6c84bf.jpg
АҞӘА, жьҭаара 9 - Sputnik. 1200 автомашьына рҟынӡа рыдыркылеит Ҟрымтәи ацҳа ааигәара еиҿкаау ааҭгыларҭаҿы, абри атәы аанацҳауеит Краснодартәи атәылаҿацә аоперштаб.Абаӷәаза "Кавказ" азааигәара еиҿкаау ааҭгыларҭаҿы ирыдыркылеит 800 автомашьына, аҳабла Ильич аҿы - 400, Тамань аҿгьы 400.Ацҳа ақәсразы агәаран иқәгылоу амашьынарныҟәцаҩцәа рзы еиҿкаауп рҽахьдырԥхаша аҭыԥқәа, адәынтәи акрыфарҭа, аӡи афатә ԥхеи рырҭоит. Аҭыԥ аҿы иҷаԥшьоит ацхыраара ласы аусзуҩцәа, аказакцәа, аволонтиорцәа.Уаанӡа Урыстәыла аԥыза-министр ихаҭыԥуаҩ, Ҟрымтәи ацҳаҿы иҟалаз аԥжәара ахҟьаԥҟьақәа раԥыхразы иаԥҵоу акомиссиа ахантәаҩы Марат Хуснуллин адҵа ҟаиҵеит шьыжьынӡа иахәҭоу зегьы ҟарҵарц амашьына ласқәеи автобусқәа ҩ-цәаҳәак рыла аныҟәара иалагарц азы. Уажәазы амашьынақәа ныҟәоит цәаҳәак аҿы реверс аҳасабала.Иацы ашьыжь Ҟрымтәи ацҳаҿы аидарамҩангага машьына ԥжәеит, уи иахҟьаны амца рыцралеит ааигәа имҩасуаз адәыӷба иацраҳәаз абылтәы зҭаҭәаз ацистернақәа, еилаҳаит автомашьынатә мҩа ахәҭақәа. Аԥжәараан иҭахеит хҩык ауааԥсыра.Аӷбақәа ахьыҵсуаз ацҳа ахәҭа ԥхасҭамхаӡеит. Аидарамҩангарақәеи апассаџьырмҩангарақәеи реиҿкаараҿы апаром рхы иадырхәалоит. Актәи аидарамҩангаратә дәыӷба Ҟрымынтәи идәықәлеит асааҭ 01:52 рзы, уи абаӷәаза Кавказ ахь инанагеит 16 еидарамҩангаратә автомобили 25-ҩык апассаџьырцәеи. Иахатәи аҵх иалагӡаны апаром х-реиск ҟанаҵеит.
https://sputnik-abkhazia.info/20221009/atransport-aministrra-rymti-atsay-adybaa-abzhaaneish-inyoit-1041973010.html
https://sputnik-abkhazia.info/20221009/rym-asshatsa-rzy-ael-yda-ausura-ialadyrgeit-1041969006.html
https://sputnik-abkhazia.info/20221008/putin-inapy-aaiit-kerchti-aybzhakhalay-asharadara-ararazy-ausa-1041969287.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ахҭысқәа
1200 автомашьына рҟынӡа рыдыркылеит Ҟрымтәи ацҳа ааигәара еиҿкаау ааҭгыларҭаҿы
Ааҭгыларҭақәа еиҿкаауп абаӷәаза "Кавказ" аҿы, Тамани аҳабла Ильичи рҿы.
АҞӘА, жьҭаара 9 - Sputnik. 1200 автомашьына рҟынӡа рыдыркылеит Ҟрымтәи ацҳа ааигәара еиҿкаау ааҭгыларҭаҿы, абри атәы
аанацҳауеит Краснодартәи атәылаҿацә аоперштаб.
Абаӷәаза "Кавказ" азааигәара еиҿкаау ааҭгыларҭаҿы ирыдыркылеит 800 автомашьына, аҳабла Ильич аҿы - 400, Тамань аҿгьы 400.
Ацҳа ақәсразы агәаран иқәгылоу амашьынарныҟәцаҩцәа рзы еиҿкаауп рҽахьдырԥхаша аҭыԥқәа, адәынтәи акрыфарҭа, аӡи афатә ԥхеи рырҭоит. Аҭыԥ аҿы иҷаԥшьоит ацхыраара ласы аусзуҩцәа, аказакцәа, аволонтиорцәа.
Уаанӡа Урыстәыла аԥыза-министр ихаҭыԥуаҩ, Ҟрымтәи ацҳаҿы иҟалаз аԥжәара ахҟьаԥҟьақәа раԥыхразы иаԥҵоу акомиссиа ахантәаҩы Марат Хуснуллин адҵа ҟаиҵеит шьыжьынӡа иахәҭоу зегьы ҟарҵарц амашьына ласқәеи автобусқәа ҩ-цәаҳәак рыла аныҟәара иалагарц азы. Уажәазы амашьынақәа ныҟәоит цәаҳәак аҿы реверс аҳасабала.
Иацы ашьыжь Ҟрымтәи ацҳаҿы аидарамҩангага машьына ԥжәеит, уи иахҟьаны амца рыцралеит ааигәа имҩасуаз адәыӷба иацраҳәаз абылтәы зҭаҭәаз ацистернақәа, еилаҳаит автомашьынатә мҩа ахәҭақәа. Аԥжәараан иҭахеит хҩык ауааԥсыра.
Аӷбақәа ахьыҵсуаз ацҳа ахәҭа ԥхасҭамхаӡеит. Аидарамҩангарақәеи апассаџьырмҩангарақәеи реиҿкаараҿы апаром рхы иадырхәалоит. Актәи аидарамҩангаратә дәыӷба Ҟрымынтәи идәықәлеит асааҭ 01:52 рзы, уи абаӷәаза Кавказ ахь инанагеит 16 еидарамҩангаратә автомобили 25-ҩык апассаџьырцәеи. Иахатәи аҵх иалагӡаны апаром х-реиск ҟанаҵеит.
