Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәа амшын аԥшаҳәаҿы хҩык ауаа рышьра далахәын ҳәа ахара здырҵо руаӡәк адукат диҭоуп

© Sputnik / Томас Тхайцук Судебный молоток
Судебный молоток  - Sputnik Аҧсны, 1920, 12.10.2022
Анапаҵаҩра
НовостиTelegram
2019 шықәсазы Аҟәа амшын аԥшаҳәаҿы хҩык ауаа рышьразы аус ахәаԥшра мҩаԥысуан Аԥсны АшәМ ахыбраҿы жьҭаара 11 рзы.
АҞӘА, жьҭаара 11 – Sputnik, Асмаҭ Ҵәыџьԥҳа. Адукат Сергеи Чакриан ахара здырҵо Ерик Чкадуа дыхьчо дықәгылеит жьҭаара 11 азтәи аилатәараҿы.

Уаанӡа, Чкадуа адукатцәа Игор Скнарини Марина Ҭаниаԥҳаи мап рцәикит. Аусӡбарҭа мчыбжьык инаҭеит адукат ҿыц далихырц. Аха Чкадуа ари аамҭала адукат димԥшааит уи азы адукатцәа Рпалатахь аусӡбарҭа азыҳәа ҟанаҵеит зус рыӡбо адукат дизалырхырц.

Аҳәынҭқарратә ахьчаҩ Чакриани Чкадуеи еиԥылеит. Чкадуа дақәшаҳаҭхеит Чакриан ихьчараз дықәгыларц.

Жьҭаара 11 рзы Сергеи Чакриан 20 мшы ирҭарц аҳәара ҟаиҵеит аус аматериалқәа ҭиҵаарц. Аусӡбарҭа 13 мшы иҭара иақәшаҳаҭхеит.

Анаҩстәи аилатәара мҩаԥгахоит абҵара 1 азы.
2019 шықәса абҵара 22 рзы акриминал алахәылацәа Асҭамыр Шамба, Алхас Аҩӡба, ақьафурҭа "Сан-Ремо" ахәынаҳаҩ Доминика Ақырҭааԥҳа рышьреи иара убас Русҭам Шамбеи Шамил Аҩӡбеи рышьразы аҽазышәареи рхараҵоуп ацәгьоуцәа ргәыԥ аиҿкааҩцәа Ерик Ҷкадуеи Беслан Бганбеи агәыԥ алахәылацәа Даҭо Ахалаиеи, Демур Ахалаиеи, Аслан Блаббеи.
Иара убасгьы, ацәгьоуцәа закәаншьаҭада абџьар ахархәареи, атәым мазара хықәкыла ааха аҭареи рзы ахара рхарарҵоит.
Ерик Чкадуа автомашьынақәа Mercedes-Benz, Lexus GX рӷьычреи закәаншьаҭада абџьари аџьаԥҳани реикәыршара ихарарҵоит.
Ажәабжьқәа зегьы
0