Микрофон  - Sputnik Аҧсны, 1920
Арадио

Хра злоу ахҭысқәа: Аҩӡба Кәыдрытәи аҩхааҿы атеррористтә ҿагыларатә операциа иазкны

Хра злоу ахҭысқәа: Аҩӡба Кәыдрытәи аҩхааҿы атеррористтә ҿагыларатә операциа иазкны
Анапаҵаҩра
НовостиTelegram
21 шықәса раԥхьа уажәааны Кәыдрытәи аҩхааҿы Аԥснытәи аибашьцәа имҩаԥыргеит атеррористә ҿагыларатә жәылара. Аҭоурыхдырыҩ Аслан Аҩӡба аҩхааҿы жәафымш ицоз аибашьра аҿиашьеи уи аҭагылазаашьақәеи ртәы Sputnik арадио аҿы еиҭеиҳәеит.
2001 шықәса жьҭаара 4 инаркны 20-нӡа Аԥсны арбџьармычқәа рыруааи арезервистцәеи Кәыдырҭа иҭалаз Руслан Гелаев напхгара ззиуаз аибашьцәа қәылаҩцәа рыҭцаразы аоперациа мҩаԥыргон.
Урҭ ахҭысқәа ртәы арадиоефир аҿы иигәаларшәуа Аслан Аҩӡба иҳәеит, аурысцәа ирҿагылаз ачеченцәа реиҳараҩык Панкисктәи аҩхааҿы ишыҟаз, уи адгьылҵакыра Қырҭтәыла иаҵанакуеит.
"Атеррористцәа, аҳәаанырцәтәи уахь иналаҵаны Аԥсны транзиттә мҩас рхы иадырхәар рҭахын. Аҵыхәтәаны хықәкыс ирыман Шәачаҟа акылсра, уа аҭагылазаашьа аруадаҩра", - ҳәа азгәеиҭет Аҩӡба.
Аҭоурыхдырыҩ иажәақәа рыла раԥхьатәи аидыслара жьҭаара 3 рзы иҟалеит. Аԥсуа архәҭа ахьыҟаз ақыҭақәа атеррористцәа алалан аиҿахысра ӷәӷәа ҟалеит. Жьҭаара 9 рзы дара шьҭа ахьаҵра рҽаназыркуаз аамҭазы иҭадырхеит ООН иатәыз анаԥшцәа зҭатәаз аверталиот.
Усҟан аԥсуаа рганахьала аоперациа еиҳабцәас иаман Владимир Аршбеи Гиви Агрбеи ҳәа азгәеиҭеит Аҩӡба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0