Ашьаусҭҵааратә еилакы Еиск иҟалаз амашәыр зыхҟьаз еиҭарҳәеит

© Sputnik / Виталий Тимкив / Амедиаҵәахырҭахь аиасраПоследствия крушения Су-34 в Ейске
Последствия крушения Су-34 в Ейске - Sputnik Аҧсны, 1920, 18.10.2022
Анапаҵаҩра
НовостиTelegram
Аҳаирплан ахькаҳаз аҭыԥ аҿы аусурақәа мҩаԥыргоит аусҭҵааҩцәа, акриминалистцәа, аӡбарҭа-експерттә центр аусзуҩцәа.
АҞӘА, жьҭаара 18 – Sputnik. Ашьаусҭҵааратә еилакы Еиск иҟалаз амашәыр зыхҟьаз еиҭарҳәеит, мзызны иԥхьаӡоуп аҳаирплан атехникатә еиқәымшәара.
"Аусҭҵааҩцәа аҳаирбаӷәазаҿ абылтәы ахки, уи азы ашҟәқәа ргәаҭараз иргеит. Аҳаирплан ааныжьра иахьӡаз аԥрыҩцәа иразҵаауеит, иразҵаауеит аҳаирбаӷәаза аусзуҩцәа. Аҳаирплан ахькаҳаз аҟынтә ахалаҭаҩратә хархәагақәа шьҭыхуп. Урҭ аекспертиза иахыжьхоит" ҳәа Telegram-канал аҿы иазгәанаҭоит АЕ.
Ашәахьа ахәылбыҽха Краснодартәи атәылаҿацә Еиск ақалақь аиланхарҭақәа рҟны абжьыццакыра еиҳау аҳаирплан-жәылаҩ Су-34 аҽазыҟаҵараан икаҳаит Аладатәи арратә округ арратә ҳаирбаӷәазаҟынтәи ишьҭыԥрааны аҳаракырахь ианхалоз. Аԥрыҩцәа аҳаирплан ааныжьра иахьӡеит.
Иара ахькаҳаз аиланхарҭақәа рашҭаҿы аҳаирплан абылтәы амца акит.
Аҵыхәтәантәи адыррақәа рыла Еиск иҭахаз рхыԥхьаӡара 13-ҩык инаӡеит, урҭ рҟынтәи хҩык хәыҷқәоуп. Ацхырааразы аҭыԥахь инеины иҟоуп 40-ҩык аԥсихологцәа Краснодари Еиски рҟынтәи.
Ашьаусҭҵааратә еилакы ашьаус хацнаркит "Аԥыррақәа ма урҭ разыҟаҵара рыԥҟарақәа реилагара" ахәҭаҷ ала.
Ажәабжьқәа зегьы
0