Аԥснытәи адепутатцәа Алада Урыстәылатәи Апарламенттә Ассоциациа аусура иалахәхоит
© Sputnik / Илона Хварцкия
Анапаҵаҩра
Аилакқәа аԥҵахоит адепутат инапы злаку аполитика ахырхарҭала.
АҞӘА, жьҭаара 19 - Sputnik, Асмаҭ Ҵәыџьԥҳа. Аԥснытәи адепутатцәа Алада Урыстәылатәи Апарламенттә Ассоциациа аусура иалахәхоит.
Алада Урыстәылатәи Апарламенттә Ассоциациа аусура алахәхаразы иалкаауп абарҭ адепутатцәа:
Ашоҭ Миносиан – аграртә зҵаарақәеи аԥсабарахархәареи реилак ахь;
Алмас Акаба – азакәанԥҵареи аҳәынҭқарратә ргылареи аҭыԥантәи ахаланапхгараҭареи реилак ахь;
Левон Галустиан – аҵареи аҭҵаарадырреи акультуреи аинформациатә политикеи реилак ахь;
Беслан Ҳалуашь –абиуџьети, ашәахтәқәеи, ахатәтәреи реилак ахь;
Венори Бебиа – амилаҭбжьаратә еизыҟазаашьақәеи, апарламентбжьаратә еимадарақәеи, абаҩырҵәыреи, аспорти, атуризми аҿар русқәеи реилак ахь;
Резо Занҭариа – аргылареи, анхарҭа-коммуналтә нхамҩеи, аенергетикеи, атранспорти, аимадареи реилак ахь;
Аслан Лакоба - аекономикатә политикеи, ааглыхреи, адәныҟаекономикатә еимадарақәеи реилак ахь.
Адепутат Алхас Барцыц иажәақәа рыла, Ассоциациеи Аԥсны акыр шықәса ҵуеит аус еицыруеижьҭеи, ҳтәылазы еиуеиԥшым азҵаарақәа рыӡбразы лшара бзиоуп.
АУАА иалоуп Адыгеиа, Астрахань, Ҟрым, Волгоград, Калмыкиа, Краснодар, Ростовтәи Севастопольтәи аобластқәа рҟынтәи адепутатцәа. Ингәыштәыла, Ҟарачы- Черқьесск, Ставропольтәи атәылаҿацә рҟынтәи алахәылацәа инарываргыланы Аԥснытәи адепутатцәа аилатәара иалахәын.
