Микрофон  - Sputnik Аҧсны, 1920
Арадио

Кәакәасқьырԥҳа: арҵаҩцәа ибзианы еилыркаауеит шьҭа ҿыцла аусура шаҭаху

Кәакәасқьырԥҳа: арҵаҩцәа ибзианы еилыркаауеит шьҭа ҿыцла аусура шаҭаху
Анапаҵаҩра
НовостиTelegram
Арҵаҩцәа иҿыцу азнеишьақәа рыла русура аиҿкаара иазку асеминарқәа мҩаԥысуеит ҳтәылаҿы. Апедагогикатә институт аиҳабы Ирина Кәакәасқьырԥҳа арадио Sputnik аефир аҿы илҳәеит, иҿыцу аҵаратә системахь аиасра хымԥадатәны ишыҟоу, арҵаҩцәа зегьы еилкааны ишрымоу.
Арҵаҩратә еилазаара имҩаԥысуа асеминарақәа рҿы, иахьатәи ахәыҷы аурок шизнагатәу азҵаара иалацәажәоит.
"Ҳара ҳцәажәарақәа рҿы аҿатәла аусура аҭахума ҳәа азҵаара ықәгылаӡам. Уи азҵаара иагьхьшәацәоуп ақәыргыларазы. Арҵаҩцәагьы еилыркаауеит ибзианы ҿыцла аусура шаҭаху. Аус зуа асистема ааныжьтәуп џьара еихьӡарақәак амазаргьы. Урҭ аихьӡарақәа зыбзоуроугьы ашкол анҭыҵ аҭаацәа арҵаҩцәа рахь иахьырго акәзаргьы ҟалоит. Аус ҳуроуп аҽакала. Ҳсеминар зызкыз ҿыцла аусуроуп", - ҳәа азгәалҭеит аиҿцәажәараҿы Кәакәасқьырԥҳа.
Апедагогикатә институт аиҳабы лажәақәа рыла арҵаҩцәа анаҩстәи русура аурок аихыршәшәаны ахәыҷы ҿыцла изнагара ауп изызкхо.
"Арҵаҩы апрактикалатәи иусура, аамҭа иақәшәо аурок ахы инаркны аҵыхәанӡа имҩаԥигароуп, уи арҵаҩы иҭахрақәа зегьы арҿиоит. Аурок ахықәкы ахәыҷы ихала ицәыригозароуп. Уи иара иагьилшоит, ииашаны аурок мҩаԥгазар", - ҳәа азгәалҭеит лара.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0