Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәатәи адоуҳатә ҵараиурҭа ҿыц астудентцәа аднакылеит

© Sputnik Сухумский собор на улице 4 марта
Сухумский собор на улице 4 марта - Sputnik Аҧсны, 1920, 26.10.2022
Анапаҵаҩра
НовостиTelegram
Ҩышықәса рыҩнуҵҟа астудентцәа адыррақәа роулоит алитургика, ақәныҳәара, асектадырра, аԥсуеи, аурыси, адунеитә уахәамақәа рҭоурых, Ажәытә уасиаҭ, Аҿатә уасиаҭ, афилософиа рзы.
АҞӘА, жьҭаара 26 - Sputnik, Сариа Кәарацхьелиаԥҳа. Аҟәатәи адоуҳатә ҵараиурҭа ҿыц астудентцәа аднакылеит.
Жьҭаара 25 рзы аофициалла аҵараиурҭа иахырыԥхьаӡалеит 27-ҩык.
“Абитуриентцәа ӡаарххьазароуп, инагӡоу абжьаратә ҵара рымазароуп. Сынтәа иаҳзааз даара иҭышәантәалоуп. Араҟа аҵара зҵо рыбжьара иҟоуп аҭҵаарадыррақәа ркандидатцәа, ириеҳау аҵара змоу, азанааҭ змоу, иҟоуп аҵара зҵар зҭаху рыбжьара ԥыхьатәи адепутатцәа. Ари зегьы иаанаго ауаа хықәкыла иааиуеит ауп. Ари угәы ҟанаҵоит", - ҳәа иҳәеит ауахәама амаҵзуҩы Игнати Киут.
Ҩышықәса рыҩнуҵҟа астудентцәа адыррақәа роулоит алитургика, ақәныҳәара, асектадырра, аԥсуеи, аурыси, адунеитә уахәамақәа рҭоурых, Ажәытә уасиаҭ, Аҿатә уасиаҭ, афилософиа рзы. Аҵара мҩаԥысуеит мчыбжьык ахьынтә хынтә.
Аҵаариурҭаҿ аус руеит Аԥсуа иашахаҵаратә уахәама амаҵзуҩцәа, ААУ апрофессорцәа. Уи адагьы аҵараиурҭа анапхгара иазгәарҭоит Урыстәылантәи еицырдыруа аҵарауаа, ауахәама амаҵзуҩцәа рааԥхьара.
"Астудентцәа раԥхьа иргыланы ирдыруазароуп иԥшьоу аԥҟарақәа, аԥшьашәҟәқәа анализ рзыҟарҵартә еиԥш иҟазароуп. Ҳпрограмма ркьаҿуп. Аиҳарак ҳастудентцәа ирҵо алитургика, ақәныҳәара, асектадырра, аԥсуеи, аурыси, адунеитә уахәамақәа рҭоурых, Ажәытә уасиаҭ, Аҿатә уасиаҭ, афилософиа роуп", - ҳәа иҳәеит Киут.
Аҵараиурҭа астудентцәа Москвеи Санкт-Петербурги рдоуҳатә ҵараиурҭақәа рҭалара иазнархиоит.
Аҵара ашьҭахь астудентцәа Амҽышатә школқәа рҿы аус рулар рылшоит. Ауахәама амаҵуҩцәас иҟаларц азы ириеҳау аҵара роуроуп, иара убасгьы 10 шықәса инареиҳаны ачын рҽаздырхиалароуп.
Астудентцәеи арҵаҩцәеи дрықәныҳәеит Аԥсуа иашахаҵаратә уахәама аиҳабы Виссарион Аԥлиа.
Ажәабжьқәа зегьы
0