Микрофон  - Sputnik Аҧсны, 1920
Арадио

Ченгьелиаԥҳа еиҭалҳәеит ауниверситет аҟны арҵаҩцәа реиҭазыҟаҵара акурсқәа шымҩаԥысуа

Ченгьелиаԥҳа еиҭалҳәеит ауниверситет аҟны арҵаҩцәа реиҭазыҟаҵара акурсқәа шымҩаԥысуа
Анапаҵаҩра
НовостиTelegram
Аԥсны абжьаратә школқәа рырҵаҩцәа рдыррақәа реизырҳаразы акурсқәа ирхысуеит. Аиҭазыҟаҵара шеиҿкаау атәы арадио Sputnik аефир аҟны еиҭалҳәеит ААУ аҟны Аԥышәа аизырҳареи аспециалистцәа реиҭазыҟаҵареи рзы ареспубликатә центр аиҳабы Медеиа Ченгьелиаԥҳа.
Аԥсны аҭоурыхи ауаажәларрадырреи амаҭәарқәа рырҵаҩцәа рзы Аԥснытәи аҳәынҭқарратә университет аҟны аԥышәа аизырҳаразы акурсқәа мҩаԥысуеит жьҭаара 31 инаркны абҵара 11-нӡа. Урҭ рхы рыладырхәуеит атәыла араионқәа зегьы рҟынтә 60-ҩык. Алекциақәа ирыԥхьалоит ауниверситет арҵаҩцәа реиԥш иааԥхьоу аҟазацәагьы. Акурсқәа рҳәаақәа ирҭагӡаны еиҿкаахоит алекциақәа, асеминарқәа, амастер-классқәа, убасгьы иазгәаҭоуп аҭоурыхтә ҭыԥқәа рахь аныҟәарақәа.
Арҵаҩцәа рзы акурсқәа еиҿыркаауеит Аԥсны аҵареи абызшәатә политикеи рминистрреи Аԥснытәи аҳәынҭқарратә университет аҟны Аԥышәа аизырҳареи акадрқәа реиҭазыҟаҵареи рзы ареспубликатә центри.
"Арҵаҩы ипрофессионалтә компетенциа аизырҳара, аԥышәа аимдара, иҿыцу ихадоу аметодикақәа рызнеишьа дырҵара, урҭ рхархәара аҵарааӡаратә процесс аҟны Аԥсны аҭоурыхи ауаажәларрадырреи дырҵараҟны хықәкыс иҳамоуп", - лҳәеит Ченгьелиаԥҳа.
Аиҿцәажәара шәазыӡырҩыр шәылшоит аудиофаил аҿы.
Ажәабжьқәа зегьы
0