https://sputnik-abkhazia.info/20221114/asny-ashkolei-akhybachaei-ry--aktsia-agyalalra-amsh-maysit--1042624339.html
Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥысит
Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥысит
Sputnik Аҧсны
Акультура-гәыҳалалратә фонд "Ашана" Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥнагоит 2014 шықәса раахыс. 14.11.2022, Sputnik Аҧсны
2022-11-14T16:50+0300
2022-11-14T16:50+0300
2022-11-14T16:50+0300
аԥсны
ажәабжьқәа
https://cdnn1.img.sputnik-abkhazia.info/img/07e6/0b/0e/1042618881_0:0:1920:1080_1920x0_80_0_0_20e0246ef2a47cec4e907d2d3b32ff73.jpg
АҞӘА, абҵара 14 – Sputnik, Асмаҭ Ҵәыџьԥҳа. Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥысит абҵара 13 рзы. Акциа мҩаԥган ахәыҷбаҳча "Гәында" аҿы. Ахәыҷқәеи, аҭаацәеи, арҵаҩцәеи ахәмаргақәеи аԥарақәеи еизыргеит акультура-гәыҳалалратә фонд "Ашана" хылаԥшра знаҭо ахәыҷқәа рзы. Аурокқәа раан ахәыҷқәа ргәаанагарақәа рҳәеит агәыҳалалра шеилыркаауа азы. Дара ишырҳәо ала, арахь иаҵанакуеит – абзиабара, ан, анду лыцхраара, аиҳабы изыӡырыҩра, аҳәатәхаҵара. "Ааигәа санду лусураҿы ашәҭқәа аӡы рыҵасҭәон. Сан слыцхраалоит. Сан афатә ҟаҵашьа лдыруеит. Сара макьаназ мап, аха саҳәшьа ачамчамытақәа лӡуеит. Санду лнапқәа ҟәымшәышәуп, бзиа дызбоит", - ҳәа иҳәоит хышықәса зхыҵуа Тамерлан, иарбан гәыҳалалроу иҟауҵахьоу ҳәа ирҭаз азҵаара аҭакс. Аҟәатәи ахԥатәи ашкол аҿы аҵаҩцәа имҩаԥыргеит ахаамыхаа аиармарка. Илхыз аԥарақәа зегьы афонд "Ашана" иазынашьҭын. Аԥшьбатәи акласс аҿы акультура-гәыҳалалратә фонд "Ашана" аволонтиор Лиана Векуаԥҳа имҩаԥылгеит "Агәыҳалалра Амш". Аҵаҩцәа ирзеиҭалҳәеит афонд аусура, аныҳәа аҭоурых, зылшара ԥку рзинқәа уҳәа ртәы. "Еицырдыруа ауаа ҿырԥшыс иаагон. Ахәыҷқәа активла ацәажәара иалахәын. Иахьатәи аурок агәахәара ҳнаҭеит. Ахәыҷқәеи ҳареи ҳаимабзианы ҳаиԥырҵит", - лҳәоит лара. Адунеизегьтәи Агәыҳалалра Амш азгәарҭоит абҵара 13 рзы. 1998 шықәса абри амш аҽны Токио иаатит агәыҳалалраз Адунеизегьтәи аиҿкаара аконференциа.
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа
Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥысит
Акультура-гәыҳалалратә фонд "Ашана" Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥнагоит 2014 шықәса раахыс.
АҞӘА, абҵара 14 – Sputnik, Асмаҭ Ҵәыџьԥҳа. Аԥсны ашколқәеи ахәыҷбаҳчақәеи рҿы акциа "Агәыҳалалра Амш" мҩаԥысит абҵара 13 рзы.
Акциа мҩаԥган ахәыҷбаҳча "Гәында" аҿы. Ахәыҷқәеи, аҭаацәеи, арҵаҩцәеи ахәмаргақәеи аԥарақәеи еизыргеит акультура-гәыҳалалратә фонд "Ашана" хылаԥшра знаҭо ахәыҷқәа рзы.
"Агәыԥқәа рҿы ааӡаҩцәа агәыҳалалра иазку аурокқәа мҩаԥыргеит. Ахәыҷқәа ирзеиҭарҳәеит уи аҵакы. Сгәы иаанагоит ԥхьаҟагьы асеиԥш иҟоу аурокқәа мҩаԥгалатәуп ҳәа. Уи ахәыҷқәа азнархәыцуеит", - лҳәеит аметодист Мадина Кәыҵниаԥҳа.
Аурокқәа раан ахәыҷқәа ргәаанагарақәа рҳәеит агәыҳалалра шеилыркаауа азы. Дара ишырҳәо ала, арахь иаҵанакуеит – абзиабара, ан, анду лыцхраара, аиҳабы изыӡырыҩра, аҳәатәхаҵара.
"Ааигәа санду лусураҿы ашәҭқәа аӡы рыҵасҭәон. Сан слыцхраалоит. Сан афатә ҟаҵашьа лдыруеит. Сара макьаназ мап, аха саҳәшьа ачамчамытақәа лӡуеит. Санду лнапқәа ҟәымшәышәуп, бзиа дызбоит", - ҳәа иҳәоит хышықәса зхыҵуа Тамерлан, иарбан гәыҳалалроу иҟауҵахьоу ҳәа ирҭаз азҵаара аҭакс.
Аҟәатәи ахԥатәи ашкол аҿы аҵаҩцәа имҩаԥыргеит ахаамыхаа аиармарка. Илхыз аԥарақәа зегьы афонд "Ашана" иазынашьҭын. Аԥшьбатәи акласс аҿы акультура-гәыҳалалратә фонд "Ашана" аволонтиор Лиана Векуаԥҳа имҩаԥылгеит "Агәыҳалалра Амш". Аҵаҩцәа ирзеиҭалҳәеит афонд аусура, аныҳәа аҭоурых, зылшара ԥку рзинқәа уҳәа ртәы.
"Еицырдыруа ауаа ҿырԥшыс иаагон. Ахәыҷқәа активла ацәажәара иалахәын. Иахьатәи аурок агәахәара ҳнаҭеит. Ахәыҷқәеи ҳареи ҳаимабзианы ҳаиԥырҵит", - лҳәоит лара.
Адунеизегьтәи Агәыҳалалра Амш азгәарҭоит абҵара 13 рзы. 1998 шықәса абри амш аҽны Токио иаатит агәыҳалалраз Адунеизегьтәи аиҿкаара аконференциа.
