Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Лыхнашҭа аанда ҿыц акәыршахоит

Анапаҵаҩра
НовостиTelegram
Лыхнышҭа аҭахкааразы аанда ҿыц ахәԥса жә-миллионк рҟынӡа итәоит.
АҞӘА, абҵара 14 – Sputnik, Бадри Есиава. Ҳазҭоу ашықәс нҵәаанӡа Лыхнашҭа аанда ҿыц акәыршахоит, абри атәы Sputnik акорреспондент изеиҭеиҳәеит Аԥсны акапиталтә ргылараз аусбарҭа атехникатә хылаԥшра амаҵзура анџьныр Дикран Хынҭәба.

"Аусурақәа ирылагоуп. Агәара азеиԥш аура 540 метра иҟоуп. Абетонтә ашьаҭа ҭаҳарҭәеит 40-50 сантиметра ирҳаракны. Ажәытә бжьагылақәа еиҭарҿыцны иаҳшәуеит, иқәҳаргылоит агәашә ҿыцқәа. Руак автомҩа аганахь ала, егьи –Лыхнытәи ауахәама аганахь ала", - иҳәеит иара.

Хынҭәба иазгәеиҭеит апроект аҿаҵаҩыс ишықәгыло Аԥсны акапиталтә ргылараз аусбарҭа.
Апроект азеиԥш хәыԥса 9 миллион мааҭ аҳәынҭқарра иазоунажьит.
Лыхны — Аԥсны еиҳа идуу ақыҭақәа иреиуоуп. Ара аԥсуа аҳцәа иртәарҭан, ара иит Нестор Лакоба, аҵарауаа Гьаргь Ӡиӡариа, Константин Шьаҟрыл. Лыхнашҭа – ажәлар рзеиԥшеизарақәа ахьымҩаԥысуаз ҭоурыхтә ҭыԥуп.
Ажәабжьқәа зегьы
0