Ҭырқәтәыла ААР: Сҭампыл ақалақь агәаҿы абомба нзыжьыз ауаҩы даанкылоуп

© Sputnik / Максим Дурнев / Амедиаҵәахырҭахь аиасраВ центре Стамбула прогремел взрыв
В центре Стамбула прогремел взрыв - Sputnik Аҧсны, 1920, 14.11.2022
Анапаҵаҩра
НовостиTelegram
Амҽыша шьыбжьон аҩны ԥжәеит Сҭампыл агәҭа иалсуа атуристтә шьаҟамҩа Истиклиаль аҿы.
АҞӘА, абҵара 14 - Sputnik. Ҭырқәтәыла Аҩныҵҟатәи аусқәа рминистр Сулеиман Соилу Сҭампыл ақалақь агәаҿы абомба нзыжьыз ауаҩы даанкылоуп ҳәа аҳәамҭа ҟаиҵеит ҳәа аанацҳауеит ателеканал TRT World.
Соил иажәақәа рыла адыррақәа иудырбоит аԥжәара Ҭырқәтәыла террорист еиҿкаараны иԥхьаӡоу Курдисҭан Аусутә партиеи (РПК) жәлар рҽыхьчара акурдтә Отриадқәеи (YPG) ирумҭоуп ҳәа.
Ҭырқәтәыла ААР ахада иҳәеит ахәшәтәырҭахь инагоу 81-ы рҟынтәи 50-ҩык ылырҩаахьеит ҳәа.
Соилу иажәақәа рыла, ари аус мҩаԥызгаз "аҭак рыҭахоит, рыхәҭа иақәыршәахоит" ҳәа.
Ҭырқәтәыла ахада Реџьеп Таиип Ердоган аҳәамҭа ҟаиҵахьан фҩык ауаа ҭахеит, 53-ҩык ахәрақәа роуит ҳәа. Ахада ихаҭыԥуаҩ Фуат Октаи иҳәеит 81-ы аахақәа шроуз, Сҭампыл иҟалаз аԥжәара терактуп, имҩаԥызгазгьы дыԥҳәысуп ҳәа.
Истиклиаль амҩаҿы аресторанқәеи амузеиқәеи реиԥш иҟоуп урыстәылатәи аконсулра назлоу адипмиссиақәа жәпакы. Заанаҵтәи адыррақәа рыла урыстәылатәык ааха имоуит.
Ажәабжьқәа зегьы
0