Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Арепатриациа афонд аҿы иаадырԥшит даҽа 34 миллион мааҭ аԥара аимҵәара

© Sputnik / Владимир Трефилов / Амедиаҵәахырҭахь аиасраДенежные купюры и монеты.
Денежные купюры и монеты. - Sputnik Аҧсны, 1920, 19.11.2022
Анапаҵаҩра
НовостиTelegram
Афонд аԥарақәа реимҵәара мҩаԥысуан Маҷара ақыҭан Далтәи амҩаҿы игылоу акоттеџьтә ҳаблаҿы аргыларатә усурақәа анымҩаԥысуаз.
АҞӘА, абҵара 19 - Sputnik. Даҽа 34,2 миллион мааҭ рыхә Арепатриациа афонд аԥарақәа реимҵәара аҭыԥ шамаз аадырԥшит Аԥсны Апрокуратура хадаҿы. Абри атәы аанацҳауеит аусбарҭа асаит.
Аусбарҭа иҟанаҵаз аҳәамҭала, Арепатриациазы уаанӡатәи аминистр Беслан Дбар:
АУН "Анхарҭа-хархәаратә усбарҭа" аиҳабы Заур Ахбеи, ИАЕ "РемСтрой2012" аиҳабы Амиран Лакербаиеи, Арепатриациазы афонд атехникатә хылаԥшразы анџьныр Денис Ақаҩбеи рҽеидкыланы, заа еибыҳәаны Маҷара ақыҭан акоттеџьтә ҳаблаҿы аҩнқәа №7, 8, 9 рыргылараан еимырҵәеит 19,9 миллион мааҭ;
Амиран Лакербаиеи, Денис Ақаҩбеи, иареи заа еибыҳәаны 2018 шықәса хәажәкырамза инаркны 2019 шықәса ԥхынҷкәынмзанӡа акоттеџьтә ҳаблаҿыаҩны №6 аргылараан еимырҵәеит 9,01 миллион мааҭ;
Амиран Лакербаиеи иареи заа еибыҳәаны иԥаршеиу аиқәшаҳаҭра рыбжьаҵаны аҳабла аҵакыраҿы аҩаршьҭрақәа ррыцқьаразы анарда еиҿкааны еимырҵәеит 1,9 миллион мааҭ;
Заур Ахбеи, АУН "Анхарҭа-хархәаратә усбарҭа" анџьныр хада Давид Ԥшанааи, хаҭалатәи анапдакҩы Иана Ҵәыџьԥҳаи, иареи заа еибыҳәаны 2019 шықәса нанҳәамза инаркны 2020 шықәса мшаԥымзанӡа акоттеџьтә ҳаблаҿы адәахьтәи аӡымҩангагақәеи ацрыҵцарҭқәеи рышьақәыргылараан еимырыҵәеит 3,1 миллион мааҭ.
Иара убас Арепатриациазы аҳәынҭеилакы иатәу АУН "Аибӷа" уаанӡатәи аиҳабы Давид Ԥшанааи Денис Ақаҩбаи заа еицәажәаны адәахьтәи аӡымҩангагақәеи ацрыҵцарҭқәеи рышьақәыргылараан еимырҵәеит 169 нызқь мааҭ.
Аԥсны Апрокуратура хада ашьаус хацнаркит хыхь иаагоу ахаҿқәа рганахьала Аԥсны Ашьаустә закәанеидкыла ахәҭаҷ 156 ахәҭа 4 ала (еиҿкаау агәыԥ имҩаԥыргаз мцҳәарыла хыԥхьаӡара рацәала амал аимҵәара - аред. азгә.).
Уаанӡа Апрокуратура хада Дбар, Лакербаиа, Ақаҩба рганахьала ашьаус хацнаркхьан Арепатриациазы афонд 25 миллион мааҭ рыхә амазаратә ааха арҭеит ҳәа. Лакербаиеи Ақаҩбеи аҩнытә рбаандаҩра рықәҵан, Дбар ишьҭоуп.
Ажәабжьқәа зегьы
0